துலாம்

விழுவதெல்லாம் எழுவதற்கே என்று நம்பும் நீங்கள், எதிர்நீச்சல் போட்டுப் பழகியவர்கள். அருவி நீர்போல அதிர்ந்து பேசாமல் பனிநீர்போல பாசமாய்  பேசுவீர்கள். தர்மம், நியாயத்தின் பக்கம் நிற்கும் நீங்கள், பாதிக்கப்பட்டவர்களின் துன்பத்தில் பங்கெடுத்துக் கொள்வீர்கள். உங்களுக்கு 27.07.2017 முதல் 13.02.2019  வரையுள்ள காலகட்டங்களில் ராகுவும் கேதுவும் என்ன செய்யப் போகிறார்கள் என்பதை பார்ப்போம்.

ராகுவின் பலன்கள்:

இதுவரை உங்களின் ராசிக்கு பதினோராம் வீட்டான லாப வீட்டில் அமர்ந்துகொண்டு திடீர் பணவரவு, வீடு, வாகன வசதிகள் என பல வகையிலும் முன்னேற்றம்  தந்த ராகு பகவான் இப்போது உங்கள் ராசிக்கு பத்தாவது வீட்டில் வந்தமர்வதால் சதா சர்வகாலமும் ஓடி ஓடி உழைத்துக் கொண்டிருந்த நீங்கள் இனி அதற்கான  நற்பலனை அடைவீர்கள். இந்த ராகு சுயமாக சிந்திக்க வைப்பதுடன், சுயமாக தொழில் செய்யும் வல்லமையையும் கொடுப்பார்.

ராகுபகவானின் நட்சத்திர சஞ்சாரம்:

உங்களின் பாக்ய ஸ்தானாதிபதியும் விரயாதிபதியுமான புதனின் ஆயில்யம் நட்சத்திரத்தில் 27.7.2017 முதல் 4.4.2018 வரை ராகுபகவான் செல்வதால் இக்கால  கட்டங்களில் தடைப்பட்ட காரியங்கள் நல்ல விதத்தில் முடியும். பழைய நண்பர்கள் தேடி வருவார்கள். வீட்டிற்குத் தேவையான பொருட்களை வாங்குவீர்கள்.  உறவினர்கள் மத்தியிலிருந்த கசப்புணர்வுகள் நீங்கும். அநாவசியச் செலவுகளை தவிர்க்கப் பாருங்கள். அலர்ஜி, யூரினரி இன்பெக்ஷன், தூக்கமின்மை வரக்கூடும்.         

5.4.2018 முதல் 10.12.2018 வரை ராகுபகவான் உங்களின் சுக பூர்வ புண்யாதிபதியுமான சனிபகவானின் பூசம் நட்சத்திரத்தில் செல்வதால் பிள்ளைகளால் அந்தஸ்து  ஒருபடி உயரும். வீடு, மனை, வாகனம் புதிதாக வாங்குவீர்கள். பூர்வீக சொத்து சம்பந்தப்பட்ட வழக்கில் தீர்ப்பு தாமதமாகும். மகளுக்கு நல்ல வரன் அமையும்.  கர்ப்பிணிப் பெண்கள் பயணங்களைத் தவிர்ப்பது நல்லது. தாயாருக்கு மூச்சுப்பிடிப்பு, முதுகுத் தண்டில் வலி வந்து போகும்.

உங்களின் சஷ்டம  திருதியாதிபதியுமான குருபகவானின் புனர்பூசம் நட்சத்திரம் 4ம் பாதம் கடக ராசியில் 11.12.2018 முதல் 13.2.2019 முடிய ராகுபகவான் பயணிப்பதால் மறைமுக  எதிர்ப்புகள் அதிகமாகும். வழக்கில் வழக்கறிஞரை மாற்றவேண்டிய சூழ்நிலை உருவாகும். வாகனத்தில் செல்லும்போது மறவாமல் தலைக்கவசம் அணிந்து  செல்வது நல்லது. சிறுசிறு விபத்துகள் நிகழக்கூடும். பணப்பற்றாக்குறை அதிகரிக்கும். மற்றவர்களை நம்பி பெரிய காரியங்களில் இறங்க வேண்டாம். இளைய  சகோதர வகையில் மனத்தாங்கல் வந்தாலும் பாசம் குறையாது.

மாணவ, மாணவிகளே! சாதித்துக் காட்ட வேண்டுமென்கிற வேகம் இருந்தால் மட்டும் போதாது. அதற்கான உழைப்பு வேண்டும். அவ்வப்போது தூக்கம், மந்தம்,  மறதி வந்து நீங்கும். எதிர்பார்த்த நிறுவனத்தில் உயர்கல்வி பெறப் போராடியும், அதிகம் செலவு செய்தும் சேர வேண்டியது வரும்.

கன்னிப் பெண்களே! புதிய நண்பர்களால் உங்கள் பிரச்னைகள் பாதியாகக் குறையும். தாயாரை தவறாகப் புரிந்து கொள்ளாதீர்கள். காதல் விவகாரத்தில்  எச்சரிக்கையாக இருங்கள். யதார்த்தமாகவும், விளையாட்டாகவும் நீங்கள் எதையோ சொல்லப்போய் அதை சிலர் பெரிதாக்கிக் கொள்ள வாய்ப்பிருக்கிறது.  கல்யாண பேச்சுவார்த்தைகள் கொஞ்சம் தாமதமாக முடியும். அண்டை மாநிலம், அயல்நாட்டில் வேலை கிடைக்கும். கல்யாணம் கூடி வரும்.       

அரசியல்வாதிகளே! கட்சி மேல்மட்டம் பாராட்டும்படி நடந்து கொள்வீர்கள். சாதாரண மக்களின் நாடித் துடிப்பை கண்டறிந்து அதற்கேற்ப உங்களுடைய செயல்  திட்டத்தை நீங்கள் அமைத்துக் கொள்ளுங்கள். உங்களின் நெருங்கிய சகாக்களை புதியவர்களிடம் அறிமுகப்படுத்தாதீர்கள்.   

கலைத்துறையினரே! திரையிடாமல் தடைப்பட்டிருந்த உங்களுடைய படைப்பு இப்போது வெளி வரும். கிசுகிசுத் தொந்தரவுகளும், விமர்சனங்களும் அதிகமாகும்.  சம்பள பாக்கியைப் போராடிப் பெறுவீர்கள்.

விவசாயிகளே! மத்திய கூட்டுறவு வங்கியில் கடனுதவி கிடைக்கும். நிலத்தகராறுப் பிரச்சனைகள் வரத்தான் செய்யும். வீட்டில் சுபகாரியங்கள் ஏற்படாகும்.  

வியாபாரிகளே! பற்று வரவு கணிசமாக உயரும். வேலையாட்களால் சின்ன சின்ன நட்டங்களும், ஏமாற்றங்களும் வரும். வாடிக்கையாளர்களின் நம்பிக்கையைப்  பெற அதிகம் உழைக்க வேண்டி வரும். துரித உணவகம், நிலக்கரி, இரும்பு வகைகளால் ஆதாயம் உண்டு. பங்குதாரர்கள் அவ்வப்போது புலம்பினாலும்  ஒத்துழைப்பார்கள். எதிர்பார்த்த ஒப்பந்தம் கையெழுத்தாகும். புது இடத்திற்கு கடையை மாற்றுவது குறித்து யோசிப்பீர்கள். புதிய நிறுவனங்களுடன் ஒப்பந்தம்  செய்து ஏமாற வேண்டாம்.

உத்யோகஸ்தர்களே! ராகு 10ம் வீடான உத்யோகஸ்தானத்தில் அமர்வதால் பல வேலைகளையும் நீங்களே பார்க்க வேண்டி வரும். வேலையில் நீடிப்போமோ,  நீடிக்க மாட்டோமோ என்ற அச்சம் இருந்துக் கொண்டேயிருக்கும். மூத்த அதிகாரிகளை திருப்திப்படுத்த முடியாமல் திணறுவீர்கள். சிலர் தங்களை அறிவாளியாக  காட்டிக் கொள்ள உங்களை மட்டம் தட்டி மேலிடத்தில் சொல்லி வைப்பார்கள். வேலையை விட்டு விடலாமா என்ற எண்ணங்கள் வரக்கூடும். அவசர முடிவுகள்  எடுக்க வேண்டாம். உங்களைவிட அனுபவம் குறைவானவர்கள், வயதில் சிறியவர்களிடமெல்லாம் நீங்கள் அடங்கிப் போக வேண்டிய சூழ்நிலை உருவாகும். சக  ஊழியர்களால் பிரச்னைகள் வெடிக்கும். எதிர்பார்த்த சலுகைகளும், சம்பள உயர்வும் தாமதமாகும்.  

கேதுவின் பலன்கள்:

இதுவரையில் உங்கள் ராசிக்கு ஐந்தாம் இடத்தில் அமர்ந்துகொண்டு எதையுமே சிந்திக்க விடாமல் மூளையை மழுங்கடித்ததுடன், உறவினர்களுடன் விரிசல்  போக்கையும் ஏற்படுத்தி, பல கசப்பான அனுபவங்களையும் தந்த கேதுபகவான் இப்போது உங்கள் ராசிக்கு நான்காம் வீட்டில் வந்தமர்வதால் இனி எதிலும் தெளிவு  பிறக்கும். குழப்பங்களிலிருந்து விடுபடுவீர்கள். வாடகை வீட்டிலிருப்பவர்களுக்கு வீட்டு உரிமையாளர்களால் பிரச்னைகள் வரக்கூடும். மின்சாரம், நக வெட்டி,  கத்திக்ரி கோல் இவற்றையெல்லாம் கவனமாகக் கையாளுங்கள்.
 
கேதுபகவானின் நட்சத்திர சஞ்சாரம்:

27.7.2017 முதல் 29.11.2017 வரை உங்களின் தன சப்தமாதிபதியுமான செவ்வாயின் அவிட்டம் நட்சத்திரம் 1, 2ம் பாதம் மகர ராசியில் கேதுபகவான் செல்வதால்  இக்காலகட்டங்களில் பிரிந்திருந்த கணவன் மனைவி ஒன்று சேருவீர்கள். மனைவிக்கு வேலை கிடைக்கும். ஆனால், மனைவிக்கு மாதவிடாய்க்கோளாறு, கருச்  சிதைவு, இரும்புச் சத்துக் குறைப்பாடுகளெல்லாம் வந்து செல்லும். உங்களின் ஜீவனாதிபதியான சந்திரனின் திருவோணம் நட்சத்திரத்தில் 30.11.2017 முதல்  06.08.2018 வரை கேது செல்வதால் சவாலான காரியங்களையும் சிறப்பாகச் செய்து முடிப்பீர்கள். சுப நிகழ்ச்சிகளால் வீடு களைகட்டும். வேலை கிடைக்கும்.  ஆபரணங்கள் வாங்குவீர்கள். எதிர்பார்த்த பணம் கைக்கு வரும். வெளிவட்டாரத்தில் செல்வாக்கு கூடும்.

7.08.2018 முதல் 13.2.2019 வரை உங்களின் லாபாதிபதியான சூரியனின் உத்திராடம் நட்சத்திரம் 2, 3, 4ம் பாதம் மகர ராசியில் கேது செல்வதால் எதிலும் உங்கள்  கை ஓங்கும். அரசியல்வாதிகளின் நட்பு கிடைக்கும். வீண் வதந்திகளும் வரத்தான் செய்யும். வியாபாரத்தில் லாபம் சுமாராக இருக்கும். புது முதலீடுகளை  தவிர்க்கவும். பழைய பாக்கிகளை நயமாகப் பேசி வசூலிக்கப் பாருங்கள். தொழில் ரகசியங்கள் கசியக் கூடும். இந்த ராகு கேது மாற்றம் உங்களை ஓய்வின்றி  உழைக்க வைத்தாலும், விடாமுயற்சியால் ஒரளவு முன்னேற வைக்கும்.

பரிகாரம்:

திருவாரூருக்கு அருகேயுள்ள திருத்துறைப்பூண்டியில் அருள்பாலிக்கும் பவ ஔஷதீஸ்வரரை தரிசித்து வாருங்கள். கட்டிடத் தொழிலாளிக்கு இயன்ற வரை  உதவுங்கள்.