18-8-23 முதல் 17-9-23 வரை
எந்த சூழ்நிலையும் தனக்கு சாதகமாக மாற்றிக் கொள்வீர்கள். ராசிநாதன் சூரிய பகவான் உங்கள் ராசியிலேயே மற்றும் புதனுடன் சஞ்சரிப்பதால் ஆளுமை திறன் அதிகரிக்கும்.புகழ் செல்வாக்கு கவுரவம் கூடும். புதன் 1 ல் இருப்பதால் பொருளாதார நிலையில் நல்ல முன்னேற்றம் ஏற்படும். நீண்ட நாளாக வரவேண்டிய பணம் வந்து சேரும். சாதுரியமான பேச்சால் அனைவரையும் கவர்வீர்கள். கேது 3 ல் இருப்பதால் மனதில் தைரியம் தன்னம்பிக்கை உற்சாகம் அதிகரிக்கும். உடன்பிறப்புகளால் மனக்கசப்புகள் இருந்தாலும் ஆதாயம் உண்டு. பயணங்களால் மகிழ்ச்சி உண்டு. தாயால் அனுகூலமான பலன்கள் ஏற்படும்.வீடு வாகனம் சொத்து தொடர்பான விஷயங்கள் சாதகமாக அமையும். புதிய வாகனம் வாங்குவதற்கான முயற்சிகள் ஈடு ஏறும். குழந்தைகளால் மகிழ்ச்சி உண்டு. ஷேர் மார்க்கெட்டில் லாபம் அதிகரிக்கும். பூர்வீக சொத்து விஷயங்கள் சாதகமாக அமையும். 7 ல் கண்டகச் சனி இருப்பதால் கணவன் மனைவிக்குள் கருத்து வேறுபாடுகள் வந்து நீங்கும். கணவன் மனைவி விஷயத்தில் வெளி ஆட்களின் தலையீட்டை தவிர்ப்பது நல்லது. வியாபார ரீதியான புதிய ஒப்பந்தங்களை தவிர்ப்பது நல்லது.கல்வி மற்றும் வேலைவாய்ப்புக்காக வெளிநாடு செல்வதற்கான முயற்சிகள் கைக்கூடும். தொழில் மற்றும் உத்யோகத்தில் உங்கள் திறமையை வெளிப்படுத்த நல்ல வாய்ப்புகள் கிடைக்கும்.
சந்திராஷ்டம நாட்கள்: செப்டம்பர் 1 2 3
பரிகாரம்: சூரியனார் கோவிலில் உள்ள சூரிய பகவானை ஞாயிற்றுக்கிழமையில் வழிபட வாழ்வு வளம் பெறும்.
