18-9-2026 முதல் 17-10-2026 வரை
(மூலம், பூராடம், உத்திராடம் 1ம் பாதம் வரை)
குடும்பம்: ராகு, அனுகூல நிலையில் சஞ்சரிக்கிறார்! குரு மற்றும் சனி பகவானின் சஞ்சாரம், சாதகமாக இல்லை!வருமானம் திருப்திகரமாகவே உள்ளது. ஆயினும், சுபச் செலவுகளில் அதிக பணம் விரயமாகும். சேமிப்பிற்கு சாத்தியக்கூறு இல்லை!!சில தருணங்களில், புதிய கடன்களை ஏற்க வேண்டிய நிர்ப்பந்தமும் ஏற்படக்கூடும் என்பதை கிரக நிலைகள் குறிப்பிட்டுக் காட்டுகின்றன.கூடியவரையில், தவிர்ப்பது நம்மை தரும். குடும்பத்தில், ஒற்றுமை பாதிக்கப்படக்கூடும்.திருமண முயற்சிகளில், தடங்கல்கள் ஏற்படும். சில சமயங்களில் தவறான வரனை நிச்சயித்துவிடக்கூடிய சாத்தியக்கூறும் உள்ளது. எச்சரிக்கை நிதானம் அவசியம்.கைப் பணத்தை எண்ணி, எண்ணிச் செலவழிக்கவும். இல்லாவிடில், எதிர்காலத்தில், பணப் பிரச்னை ஏற்படக்கூடும்.
உத்தியோகம்: மேலதிகாரிகளுடன், சற்று அனுசரித்து நடந்து கொள்ளுங்கள்! இல்லாவிடில், பிரச்னைகளைச் சந்திக்க நேரிடும். அலுவலகச் சூழ்நிலைகளைப் பற்றியும்,உயரதிகாரிகளைப் பற்றியும், சக ஊழியர்களுடன் விவாதிக்க வேண்டாம்.‘‘உங்களுக்கு, நீங்களே எதிரியாகிவிடுவீர்கள்...!” எனக் கூறுகிறது ‘‘ஜோதிட பாரிஜாதம்” எனும் ஒப்புயர்வற்ற, புகழ்வாய்ந்த ஜோதிட நூல்!
தொழில், வியாபாரம்: அர்த்தாஷ்டக ராசியில், சனி பகவான், வக்கிர கதியில் சஞ்சரிப்பதால், வியாபாரத்தில், போட்டிகள் அதிகரிக்கும். உங்கள் சரக்குகளின் விற்பனை விலையைக் குறைக்க வேண்டிய அவசியம் ஏற்படும். அதனால், லாபம் குறைந்தாலும், விற்பனை திருப்திகரமாகவே இருக்கும்.ஏற்றுமதித்துறை அன்பர்களுக்கு, வெளிநாடுகளிலிருந்து, புதிய ஆர்டர்கள் கிடைப்பது, உற்சாகத்தை அதிகரிக்கும்.நிதி நிறுவனங்களின் ஆதரவு கைகொடுக்கும்.
கலைத் துறையினர்: வாய்ப்புகளும், வருமானமும் நிதானமாகவே இருக்கும்!எதிர்பார்த்திருந்த வெளிநாட்டுக் கலை நிகழ்ச்சிகளில் சில ஏமாற்றத்தை அளிக்கும். ஆதலால், கையிலுள்ள பணத்தைச் சிக்கனமாக செலவு செய்தல் அவசியம்.இல்லாவிடில், மாதக் கடைசியில் பிறர் உதவியை நாடவேண்டிய கட்டாயம் ஏற்படக்கூடும்.கலைத் துறைக்கு சம்பந்தப்பட்ட கிரகங்கள் சுப பலம் பெற்றிருக்கவில்லை! பொருட்கள் களவுபோகக்கூடும். கூடியவரையில், ஆடம்பரச் செலவுகளைத் தவிர்த்தல் நல்லது.
அரசியல் துறையினர்: அரசியல் துறையின் பெரும்பான்மையான அம்சங்கள் சுபபலம் பெற்றிருக்கவில்லை. ஆதலால், கட்சியில் ஆதரவு குறையக்கூடும்.பிரபல, மூத்த தலைவர் ஒருவரின் அதிருப்திக்கு ஆளாக நேரிடும். கூடியவரையில், பேச்சைதவிர்த்தல் அவசியம்.ஒருசிலர் மேலிடத்தின் அவசிய அழைப்பின் பேரில் தில்லி மாநகரம் சென்று வர நேரிடும். மூத்த தலைவர்களுடன் மிக முக்கிய சந்திப்பு இதுவாகும்.
மாணவ - மாணவியர்: ‘‘கல்விக் கிரகம்” எனப் பூஜிக்கப்படும் புதன், ஓரளவே அனுகூலமாக வலம் வருவதால், மாணவ - மாணவியர் பாடுபட்டு படிக்கவேண்டியிருக்கும்.உடல் ஆரோக்கியத்திலும் சற்று கவனமாக இருத்தல் அவசியம் என கிரக நிலைகள் எச்சரிக்கை செய்கின்றன.விடுதிகளில் தங்கிப் படித்துவரும், மாணவ - மாணவியருக்கு, பணப் பிரச்னை தலைதூக்கும்! கைப் பணத்தைச் சிக்கனமாக செலவு செய்தல் அவசியம்.ஆசிரியர்கள் மற்றும் ஆசிரியைகள் ஆகியோரின் ஆதரவு படிப்பில் உற்சாகத்தை ஏற்படுத்தும்.
விவசாயத் துறையினர்: அத்தியாவசியப் பொருட்களுக்குக் குறைவிராது!கால்நடைகளின் பராமரிப்பில் செலவுகள் அதிகரிக்கும். அரசாங்க ஆதரவு, துணை நிற்கும். குறித்த காலத்தில், மழை பெய்வதால், பயிர்கள் செழித்து வளரும்.விவசாயத்திற்குத் தேவையான உபகரணங்கள் மற்றும் விதை, நாற்று, உரம் ஆகியவை நியாய விலையில் கிடைக்கும்.வங்கிக் கடன் அதிக சிரமமின்றி கிடைக்கும். பழைய கடன்கள் இருப்பின், அவற்றை அடைத்து, நிம்மதி பெற கிரக நிலைகள் சாதகமாக உள்ளன.
பெண்மணிகள்: பெண்மணிகளின் நலன்களுக்குப் பொறுப்பேற்றுள்ள சுக்கிரன், செவ்வாய் மற்றும் இதர கிரகங்கள் அனைத்தும் அனுகூலமாக வலம் வருவதால், குடும்பத்தில், மகிழ்ச்சியும், மன நிறைவும் உண்டாகும். இல்லற வாழ்க்கை இனிக்கும்! குழந்தை களின் கல்வி முன்னேற்றம் மன நிறைவைத் தரும். திருமண வயதில் பெண்கள் இருப்பின், நல்ல வரன் அமையும். திருமணமாகியுள்ள பெண்மணிகளுக்குக் கருத்தரிக்கும் யோகமும் அமைந்துள்ளதை கிரக நிலைகள் எடுத்துக்காட்டுகின்றன.
அறிவுரை: இம்மாதம் எதிர்பாராத செலவுகள் ஏற்படக்கூடும். ஆயினும், கடன் வாங்க வேண்டிய அவசியம் இராது. கூடியவரையில், குடும்பச் செலவுகளைக் குறைத்துக் கொள்ள முயற்சிக்கவும்.
பரிகாரம்: செவ்வாய் மற்றும் வெள்ளிக்கிழமைகள் தோறும் அருகிலுள்ள திருக்கோயில் ஒன்றிற்குச் சென்று, தீபத்தில் சிறிது நெய் அல்லது எள் எண்ணெய் சேர்த்து வந்தால் குடும்பத்தில் லட்சுமி கடாட்சம் பொங்கும். இதனை அனுபவத்தில் பார்க்கலாம்.
அனுகூல தினங்கள்
புரட்டாசி : 1-5, 8-10. 12-15, 21-23, 26, 30.
சந்திராஷ்டம தினங்கள்
புரட்டாசி : 17 இரவு முதல், 19 இரவு வரை.


