கடகம்

7.5.2026 முதல் 13.5.2026 வரை

சாதகங்கள்: பத்தாம் வீட்டில் சூரியன் மற்றும் செவ்வாயின் சேர்க்கை ``திக்பல யோகத்தை’’ வழங்கும். இரண்டாம் வீட்டுக்கு உரியவர் உச்சம் பெறுவதும் பஞ்சமாதிபதி இணைவதும் வேகமான செயல்பாட்டைத் தரும். காரியங்கள் அதி வேகமாக முடிவடையும். தொழிலில் மிகப்பெரிய உயர்வு ஏற்படும். வேலையில்லாதவர்களுக்குப் புதிய வேலை கிடைக்கும். அதிகாரப் பதவிகள் தேடி வரும். குருவின் பார்வை 11ம் இடத்திற்கு (லாபஸ்தானம்) கிடைப்பதால் பணப்புழக்கம் அபரிமிதமாக இருக்கும். பதவியில் முன்னேற்றம் உண்டு. தொழில் மற்றும் வியாபாரத்தில் நல்ல லாபம் கிடைக்கும். நண்பர்களின் மூலம் உதவி கிடைக்கும். நிர்வாகத்திறன் அதிகரித்து நல்ல பெயர் கிடைக்கும்.

கவனம் தேவை: லாப வீட்டில் சுக்கிரன் - புதன் இருந்தாலும், 10ல் செவ்வாய் இருப்பதால் மேலதிகாரிகளுடன் சிறு கருத்து வேறுபாடுகள் வரலாம். தாயாரின் உடல் நலத்தில் அக்கறை தேவை. 9ல் சனி இருப்பதால் தந்தையோடு கருத்து வேறுபாடு ஏற்படலாம். அல்லது தந்தைக்கு உடல் நலக்குறைவு ஏற்படலாம். வாக்குஸ்தானத்தில் கேது இருப்பதால் மனதில் உள்ளவற்றை எல்லாம் கொட்டித் தீர்க்க வேண்டாம்.

சந்திராஷ்டமம்: 10.5.2026 பகல் 12.13 முதல் 12.5.2026 இரவு 07.25 வரை சந்திராஷ்டமம் உண்டு. பேச்சில் கவனமாக இருக்கவும். வாதப்பிரதிவாதங்களில் ஈடுபடவேண்டாம்.

பரிகாரம்: பசுவிற்குப் பச்சைப்பயறு வழங்குவதும், அம்மன் வழிபாடும் மன அமைதியைத் தரும்.