28.3.2024 முதல் 3.4.2024 வரை
சாதகங்கள்: இதுவரை அஷ்டமத்தில் இருந்த சுக்கிரன் பாக்கியஸ்தானத்திற்கு நகர்கிறார். அவர் சுகாதிபதி. அவர் உச்சம் பெறுவதால், நீங்கள் எதிர்பார்த்து இருந்த சில நல்வாய்ப்புக்கள் கிடைக்கும். குறிப்பாக, கலைஞர்களுக்கு அதிக வாய்ப்புகளும் வருமானமும் ஏற்படும். ஆடை ஆபரணச் சேர்க்கை, வண்டி வாகன சேர்க்கை, உண்டு. சூரியன் பாக்கியஸ்தானத்தில் இருக்கிறார். குரு உங்கள் தன குடும்பஸ்தானத்தைப் பார்ப்பதால், சிக்கல்கள் வந்தாலும் அவைகள் நீடிக்காது. 3-ஆம் இடத்தில் கேது இருப்பதால், சங்கடங்கள் வந்தாலும்
எதிர்கொள்ளும் ஆற்றல் கிடைக்கும்.
கவனம் தேவை: யாரிடம் பழகினாலும் சற்று எச்சரிக்கையுடன் பழகுங்கள். உடல் நலனில் அதிக கவனம் செலுத்துங்கள். மருத்துவ சிகிச்சைகளை நேரத்துக்கு எடுத்துக் கொள்ளுங்கள். பொறுப்புக்கள் கூடும். அலைச்சல்கள் அதிகரிக்கும். தேவையில்லாத விஷயத்தில் தலையிட வேண்டாம். தந்தை மகன் உறவுகளை கவனத்தோடு கையாள வேண்டும். உத்தியோகத்தில் திடீரென்று பணி மாற்றம் அல்லது சிக்கல் ஏற்படலாம்.
பரிகாரம்:
சிவனை வழிபட நினைத்தது நடக்கும். பசுக்களுக்கு உணவளியுங்கள். பாரம் குறையும்.