சிம்மம்

(5.2.2026 முதல் 11.2.2026 வரை)

சாதகங்கள்: குருபகவான் வக்ரகதியில் இருந்தாலும் கூட லாப ஸ்தானத்தில் இருக்கிறார். வருமானம் அதிகரிக்கும். பணப் பற்றாக்குறை நீங்கும். கொடுக்கல் வாங்கல்கள் சீராக நடைபெறும். குடும்பத்தில் ஒற்றுமையும் மகிழ்ச்சியும் நிலவும். ஆறாம் இடம் பலம் பெற்றிருப்பதால் போட்டித் தேர்வுகளில் வெற்றி உண்டு. வழக்குகளில் வெற்றி கிடைக்கும் வாய்ப்பு உண்டு. புதிதாக இடம் வாங்கும் அமைப்பும் உண்டு. வீட்டில் சுபகாரியங்கள் நடைபெறும். சுகாதிபதி உச்சம் பெற்றிருப்பதால் சில முக்கியமான நபர்களைச் சந்திப்பீர்கள் அவர்கள் உங்களுக்கு உதவுவார்கள். எதையும் தைரியத்தோடு எதிர்கொள்ளும் ஆற்றல் அதிகரிக்கும்.புதிய தொழில் தொடங்கும் முயற்சி வெற்றி பெறும். வேலை தேடுபவர்களுக்கு நல்ல வேலை அமையும்.

கவனம்தேவை: உத்தியோகத்தில் உள்ளவர்களுக்கு சில எதிர்பாராத இட மாற்றங்கள் நிகழலாம். ஆரோக்கியத்தில் பிரச்னை உண்டு. குறிப்பாக கணவன் அல்லது மனைவியின் உடல் நலனில் அதிக கவனம் எடுத்துக் கொள்ள வேண்டும். சிலருக்குப் பூர்வீக சொத்துப் பிரச்னை தலைதூக்கும். பொதுவாழ்வில் உள்ளவர்கள் சில தவிர்க்க முடியாத ஏமாற்றங்களைச் சந்திக்க நேரிடும். சுப விரயங்களில் பணம் செலவாகும். நண்பர்களாலும் மனைவியாலும் சிற்சில பிரச்னைகள் வரலாம்.

பரிகாரம்: அனுமனை வணங்குங்கள். சூரிய நமஸ்காரம் செய்யுங்கள்.