கும்பம்

(13.11.2025 முதல் 19.11.2025 வரை)

சாதகங்கள்: ராசிக்கு இரண்டாம் அதிபதி ராசிக்கு ஆறில் உச்சம் பெற்று உங்கள் இரண்டாம் இடத்தைப் பார்ப்பதால் இரண்டாம் இடம் பலம் பெறுகிறது. பொருளாதார நிலை உயரும். கொடுக்கல் வாங்கல்கள் சிறப்பாக இருக்கும். எதிர்பாராத இடத்திலிருந்து பணவரவு உண்டு. வெகு நாள் வராத பணம் வந்து சேரும். ஒன்பதாம் இடத்தில் இருந்த சூரியன் பத்தாம் இடத்தில் நுழைவதால், அரசாங்க ரீதியான காரியங்களில் வெற்றி உண்டு. போட்டித் தேர்வுகளில் வெற்றி உண்டு. சூரியனோடு செவ்வாயும் இணைந்து குரு பார்ப்பதால் வீடு மனை வாங்குவதிலும் விற்பதிலும் லாபம் பெறுவீர்கள். செவ்வாய் ஆட்சி பெற்றிருப்பதால் சகோதர உறவுகள் மேம்படும்.

கவனம் தேவை: ராசியில் வக்ர சனியும் ராகுவும் இணைந்து இருக்கிறார்கள். ராகு சனியை விட்டு விலகிவிட்டார் என்பதால் கஷ்டங்கள் குறைவாகவே இருக்கும். ஆயினும் இல்லாமல் போகாது. அந்தந்த கிரகங்கள் அந்தந்த காரகத் துவத்தைச் செய்யும் என்பதால் கவனம் தேவை.

சந்திராஷ்டமம்: 15.11.2025 காலை 3.52 முதல் 17.11.2025 பிற்பகல் 3.35 வரை சந்திராஷ்டமம் உண்டு. பேச்சில் கவனமாக இருக்கவும்.

பரிகாரம்: வெள்ளிக் கிழமைகளில் வீடு முழுக்க சாம்பிராணி போடுங்கள்.மகாலட்சுமியை வணங்குங்கள். சனி பகவானை வணங்குங்கள். சங்கடங்கள் தீரும்.