சிம்மம்

05.3.2026 முதல் 11.3.2026 வரை

சாதகங்கள்: அஷ்டமச் சனி என்று நினைக்க வேண்டாம். உடனடியாக அவரால் பெரிய தொந்தரவுகள் எதுவும் வராது. ஏழில் ராசிநாதன் இருந்தாலும் ராசியைப் பார்ப்பது நல்ல அமைப்பு. வாழ்க்கையில் நல்ல முன்னேற்றம் இருக்கும். தெளிவான முடிவுகளை எடுப்பீர்கள். தன்னம்பிக்கை அதிகரிக்கும்.சுறுசுறுப்பாகச் செயல்படுவீர்கள். பணியிடத்தில் உங்கள் திறமை அங்கீகரிக்கப்படும். தசாபுத்திகள் சாதகமாக இருந்தால் பதவி உயர்வு கிடைக்கும் வாய்ப்பு உண்டு. 3,10க்கு உரிய சுக்கிரன் உச்சம் பெற்றிருப்பது நல்ல பலன்களையே செய்யும் பொருளாதார ரீதியாக நல்ல திருப்பங்களை ஏற்படுத்தும்.

கவனம் தேவை: உஷ்ண நோய்கள் மற்றும் தோல் நோய்களிலிருந்து பாதுகாத்துக் கொள்ளுங்கள். சருமச் பிரச்னை, அலர்ஜி உள்ளவர்களுக்கு அது சம்பந்தப்பட்ட தொல்லைகள் ஏற்படும். தேவையில்லாத போட்டிகளால் மன உளைச்சல் ஏற்படலாம். கலைத்துறையில் உள்ளவர்களுக்கு முன்னேற்றமான வாய்ப்புகள் உண்டு. நண்பர்களிடம் பேசும்போது ஜாக்கிரதையாகப் பேச வேண்டும். வார்த்தைகளை விட்டுவிட வேண்டாம். கட்டுப்படுத்திக் கொள்ளவும்.

பரிகாரம்: குலதெய்வ வழிபாடு கை கொடுக்கும்.