துலாம்

(13.8.2026 முதல் 19.8.2026 வரை)

சாதகங்கள்: பாக்கிய ஸ்தானத்தில் செவ்வாய் அமர்ந்திருப்பதும் ஆறாம் இடத்தில் சனி அமர்ந்திருப்பதும் சாதகமான அமைப்புக்கள். லாப ஸ்தானத்தில் வாரத்தின் மத்தியில் சூரியன் ஆட்சி பெறுவது எண்ணங்களை பூர்த்தியாக்கும். நினைத்த காரியம் நிறைவேறும். தாமதங்கள் தவிடு பொடியாகும். அரசாங்கப் போட்டி தேர்வுகள் சாதகமாக அமையும். வேலை வாய்ப்புகள் பிரகாசமாக இருப்பதால் இப்பொழுது செய்யும் முயற்சிகள் பலன் அளிக்கும். விருந்தோம் பலின் மூலம் மகிழ்ச்சி பெறுவீர்கள்.தொழிலில் இருப்பவர்களுக்கு தொழில் விஸ்தரிப்புக்கான புதிய வழிகள் பிறக்கும். கணவன் மனைவி உறவுகள் சிறப்பாக இருக்கும். ஊடகத்துறையில் உள்ளவர்களுக்கு முன்னேற்றமான வாய்ப்புகள் கிடைக்கும்.

கவனம்தேவை: கீழ் முதுகு. இடுப்பு முதலிய உறுப்புக்களில் ஆரோக்கியப் பிரச்னைகள் ஏற்படலாம். நீண்ட நேரம் உட்கார்ந்து வேலை செய்பவர்கள் சில சங்கடங்களை எதிர்கொள்ள நேரும். பண முதலீடு விஷயத்தில் மிகுந்த கவனம் தேவை காரணம் ராசி நாதனே 12ஆம் இடத்தில் இருக்கிறார். வணிகக் கூட்டாளிகளுடன் சரியான புரிதல்கள் இருக்க வேண்டும். கருத்து வேறுபாடுகள் ஏற்படலாம்.

பரிகாரம்: வெள்ளிக்கிழமை மகாலட்சுமி வழிபாடு சிறந்த பலனைத் தரும்.