கன்னி

05.3.2026 முதல் 11.3.2026 வரை

சாதகங்கள்: தன குடும்பாதிபதி சுக்கிரன் களத்திர ஸ்தானத்தில் இருந்து ராசியைப் பார்க்கிறார். தொழில் ஸ்தானத்தில் அமர்ந்த குரு தன குடும்ப ஸ்தானத்தைப் பார்ப்பதால், திட்டமிட்டுச் செயல்படுவீர்கள். உங்கள் செயல்திறன் அதிகரிக்கும். புத்திசாலித்தனமான முடிவுகள் எடுப்பீர்கள். பணி செய்யும் இடத்தில் புதிய பொறுப்புகள் தரப்படும். கணக்கு, நிர்வாகம் போன்ற துறைகளில் உள்ளவர்களுக்கு வாய்ப்புகள் அதிகம். வருமானம் சீராக இருக்கும். கடன்களை அடைத்து விடும் வாய்ப்பு உண்டு. ஆன்மிகப் பற்றுதல் அதிகரித்து திருத்தல யாத்திரை செய்யும் வாய்ப்பு உண்டு. 6ம் இடம் பலமாக இருப்பதால் முயற்சி செய்பவர்களுக்கு தேர்வுகளில் வெற்றி கிடைப்பதோடு. அரசாங்க அனுகூலங்களும் உண்டு. காரணம், சூரியனும் ஆறாம் இடத்தில் இருக்கிறார்.

கவனம் தேவை: வயிறு, செரிமானம் போன்ற பிரச்னைகள் வரலாம். உடற் பயிற்சிகளில் கவனமாக இருக்க வேண்டும். தகுந்தவர்களிடம் ஆலோசனை கேட்டுச் செயல்படுங்கள். ஒப்பந்தங்களில் கையெழுத்திடும் போது அல்லது பத்திரங்களைப் பதிவு செய்யும் பொழுது மிக கவனம் வேண்டும். 6ம் பாவகத்தில் புதன் இருந்தால் கடன், சீட்டு, ஏலம், ஷேர் மார்க்கெட் இவற்றின் மூலமாக கடன், வம்பு, வழக்கு இவற்றில் இருந்து ஏதாவது ஒரு பிரச்னையை ஏற்படுத்தும். வீடு, வண்டி, வாகனம், சொத்து, சுகம், உத்தியோகம் மூலமாகவும் சில பிரச்னைகள் வரலாம்.

பரிகாரம்: பூஜை அறையில் கூடுதலாக ஒரு அகல் விளக்கு ஏற்றி வையுங்கள்.