7, 16, 25

ஆடம்பரங்களை விரும்பாத இவர்கள் மிகவும் தூய்மையாகவே இருப்பார்கள், அணியும் ஆடையும், நடை, உடையும், பேச்சில் நிதானமும் முகத்தில் மலர்ச்சியும், தெளிவும், வசீகரமும், உண்டு, மனித குலத்திற்கு அப்பாற்பட்ட மதி நுட்பமான விசயங்களை அறிந்து உலகிற்கு கொண்டு வருபவர்களும் இவர்களே, நியாயமாக இருந்தால் அதை தெரிவிக்க தவறுவதில்லை, எதிலும் நீதியாகவும், நேர்மையாகவும் நடக்க விரும்பும் இவர்களுக்கும், மற்றவர்களுக்கும் ஏதேனும் கருத்து வேறுபாடு இருந்து கொண்டேயிருக்கும். 7,16,25 தேதிகளில் பிறந்திருந்தாலும், O,Z என்ற முதல் எழுத்தில் பெயர் அமைந்தாலும் 7-ம் எண்ணில் பெயர் எண் அமைந்து இருந்தாலும் அடங்காத பல அதிரடியான மாற்றங்களுடன் பல வருட கனவுகளை எல்லாம் கண் முன்னே நினைவாக நிரந்தரமாக நடக்க உள்ளது. இனி உங்கள் காட்டில் ஒரே மகிழ்ச்சி மழை தான். பொருளாதாரம்: சொல்லவா வேண்டும் கண் முன்னே பார்க்கத்தான் போகிறோமே, வங்கி இருப்புகள் குவிந்து கொண்டே இருக்கும். தொட்டது எல்லாம் மளமளவென துவங்கப் போகிறது. எடுத்த காரியங்கள் எல்லாவற்றிலும் வெற்றியே, கொடுத்து மறந்து போன கடன் தொகைகள் எல்லாம் அவர்களாகவே தேடி வந்து கொண்டு வந்து கொடுத்துப் போகும் நேரம் இது. மங்கள நிகழ்வுகள்: இனி வீட்டில் மேளம், தாளம், டும்,டும் என மங்கள ஒலி மனதை கொள்ளை கொள்ளும் அளவிற்கு கேட்டுக் கொண்டேயிருக்கும், பாதியில் நின்று போன வரன்கள் வரிசை கட்டி நிற்கப் போகிறார்கள், செலக்ட் செய்வதில் பெற்றோர்கள் தடுமாற நேரிடலாம். கவனத்துடன் செயல்பட்டு மாப்பிள்ளையை தேர்ந்தெடுங்கள், மழலைக்காக ஏங்கிய பலர் நிம்மதியடைவர். விரைவில் மனம் மகிழும் படி நடந்தேறும். உடல் நலம்: மனதும், உடம்பும் ஏகாந்த நிலையில் இருக்கும். விரும்பியபடி ஒத்துழைக்கும், பெற்றோர்கள், குழந்தைகள் நலமும் அப்படித்தான் விரட்டி வந்த பல நாள் வியாபாரிகள் எல்லாம் துரத்தி அடித்து விடுவீர்கள். இயற்கை மருத்துகளில் அதிக நாட்டம் கொள்வீர்கள். வலிமை அதிகரிக்கும், மனோ சக்தியின் மூலம் பல சக்திகளை பெறுவீர்கள். மொத்தத்தில் மகிழ்ச்சியை மனதிற்குள்ளும், புறமும் அனுபவிக்கும் காலம் இதுதான். தொழில் அதிபர்கள்: ஏற்றுமதியாளர்களுக்கு மெகா ஏற்றமான காலம் இந்த மாதம். வாசனை திரவியங்கள், உணவு தானியங்கள், எலக்ட்ரானிக்ஸ், எலக்ட்ரிகல்ஸ், ஸ்டேசனரி தயாரிப்புகள் ஆபரண உற்பத்தியாளர்கள், இனிப்பு பொருட்கள், பிராண்ட் உணவகங்கள், நட்சத்திர அந்தஸ்து ஓட்டல்கள் இவைகள் மூலம் அதிரடியான மாற்றங்கள் பெற்று விருப்பம் போல உயர்வுகளைப் பெற்று மகிழ்வதுடன் வங்கிகளின் செல்லப் பிள்ளையாக மாறி வேண்டுமளவிற்கு கடன் தொகைகளை கை நிறைய பெற்று உயர்விற்கு வழிகாட்டும் உன்னதமான காலமாக அமைந்திடும். வியாபாரிகள்: உணவுப் பொருட்கள் விற்பனை, இரும்பு, உதிரிப் பொருட்கள், பேப்பர், எழுது பொருட்கள், பால் பொருட்கள், இனிப்பகங்கள், சைவ உணவகங்கள் சகட்டு மேனிக்கு லாபத்தை குவிக்கப் போகிறார்கள், கேட்ட இடத்தில் பணம் வந்து சேரும், அரசாங்க ஆதரவும் அதிஷ்டத்திற்கு வழிகாட்டும், சாலை ஓர, சிறு வணிகர்கள் வசந்த காலத்தை கண் கூடாக காண்பார்கள். அரசியல்வாதிகள்: மக்கள் செல்வாக்கு மித மிஞ்சி வந்து மகிழ்வூட்டும், பொது காரியங்கள் என்றால் வீட்டு வேலையை கூட உதறிவிட்டு அங்கு சென்று நிற்பீர்கள். (இதனால் வீட்டில் பலமுறை வெகுவாக அர்ச்சனைகளுக்கு ஆளானதும் உண்டு) தலைமை மிகவும் அன்புடன் தங்களை நடத்துவது பெருமையாக இருக்கும். கலைஞர்கள்: திரைப்பட கலைஞர்கள் தங்கள் திறமையை நிரூபிக்க ஏற்ற காலம் இது. ஆடை வடிவமைப்போர் ஆச்சரியம் அடையும் வகையில் பொருளாதாரம் உயரும். தொலைக்காட்சி துறையினர் தொடர்ந்து மெகா தொடர்களின் வாய்ப்புகளும், ஊதிய மாற்ற உயர்வுகளும் பெறுவார்கள். ஓவியம், கட்டிடம், சிற்ப கலைஞர்கள், தங்கள் திறமைகளை அரசாங்கத்தின் கவனத்திற்கு சென்று பாராட்டு பெறுவார்கள். பெண்கள்: அரசாங்கம், தனியார் துறையில் பணிபுரியும் மகளிர் மனம் மகிழும்படி எல்லா காரியங்களும் தடையின்றி நடந்தேறும், பூர்வீகச் சொத்துக்கள் வந்து சேரும், புகுந்த வீட்டில் புகழும், செல்வாக்கும், பெரியவர்களின் கனிவும் நிச்சயம் கிடைத்து மகிழ்வீர்கள். பணியாளர்கள்: கல்வி நிறுவனப் பணியாளர்கள், அரசு அதிகாரிகள், விவசாய ஆராய்ச்சி பிரிவினர், வானியல் பிரிவினர், அந்தஸ்து ஓட்டல் பணியாளர், இரும்பு, வாகன, எண்ணெய் உற்பத்தி பிரிவினர், எதிர்பார்த்த வகையில் நினைத்து கூட பார்க்க இயலாத வருமானத்தை பெற போகிறார்கள், பட்ட கடன்களை அடைத்து மனதளவில் மகிழ்வை பெறுவார்கள். மாணவர்கள்: பொது மருத்துவம், விவசாய ஆராய்ச்சி மாணவர்கள், ஃபேஷன் டிசைன்பிரிவினர், விலங்கியல், எலக்ட்ரானிக்ஸ் துறை யினர் கடந்த கால நிலுவைகள் ஆன்லைனிலேயே முடித்து சான்றிதழ் எளிதில் பெற்று மகிழும் நேரம் இது. இனிமேல் ‘அரியர்’ என்ற நிலை வராது. நல்லதே நடக்கும்.