மகம்

27.07.2017 முதல் 13.02.2019 வரை

பக்குவமாக எடுத்துச் சொல்லி எதிரில் இருப்பவர்களை திருப்தியடையச் செய்யும் குண முடைய மக நட்சத்திர அன்பர்களே, உங்களிடம் வாதத்திறமை இருக்கும். இதுவரை உங்கள் நட்சத்திரத்திலிருந்த ராகு பகவான் உங்களுக்கு இருபத்தேழாம்  நட்சத்திரமான ஆயில்யத்திற்கும், கேது, பதினான்காம் நட்சத்திரமான அவிட்டத்திற்கும் பெயர்ச்சி அடைகிறார்கள். இந்த பெயர்ச்சியினால் பலவழிகளிலும் ஏற்பட்டிருந்த தொல்லைகள் குறையும். அதேசமயம் எந்த வேலையிலும் எச்சரிக்கையுடன் ஈடுபடுவது நல்லது. உடல்நலத்தில் கவனம் தேவை. திடீர் இடமாற்றம் ஏற்பட்டாலும் அதனால் ஆதாயம் உண்டு. வீண் செலவுகள், கவுரவக் குறைச்சல் ஏற்படலாம். மிகவும் கவனம் தேவை. தாய் தந்தையின் உடல் நிலையிலும் கவனம் செலுத்துவது நல்லது.

தொழில், வியாபாரத்தில் மெத்தனப் போக்கு காணப்பட்டாலும் தேவையான பணவரத்து இருக்கும். புதிய முயற்சிகளில் தாமதமான நிலை காணப்படும். நீண்ட நாட்களாக முடங்கிக் கிடந்த காரியங்கள் வேகம் பெறும். உத்தியோகஸ்தர்கள் வீண் அலைச்சல், காரியங்களில் இழுபறி என்ற நிலையை காண்பீர்கள். பேச்சைக் குறைத்து செயலில் ஈடுபடுவது நன்மையை தரும். சக ஊழியர்கள் ஆதரவுடன் எடுத்துக்கொண்ட காரியங்கள் வெற்றிகரமாக முடியும்.  குடும்பத்தில் சுகமான நிலை காணப்படும். ஆனாலும் குடும்பம், பிள்ளைகள் பற்றிய கவலை இருந்து வரும். கணவன்மனைவி ஒருவரை ஒருவர் அனுசரித்துச் செல்வது நல்லது. வாக்குவாதத்தை முற்றிலும் தவிர்ப்பது நல்லது.

பெண்களுக்குத் தொல்லைகள் குறையும். வீண் செலவுகள் உண்டாகலாம். உடல் ஆரோக்கியத்தில் கவனம் செலுத்துவது நல்லது. கலைத்துறையினர் கடமைகளைச் சரிவரச் செய்தால் நன்மைகள் அதிகமாக கிடைக்கும். அறிவாற்றலும் செயல்திறமையும் கூடும். பொருளாதாரத்தில் அபிவிருத்தி காணலாம். உழைப்பு வீண் போகாது. அரசியல்வாதிகளுக்கு நற்பெயர் கிட்டும். சுகம் பெருகும். மகிழ்ச்சி கூடும். பொருள் வரவு அதிகரிக்கும். பழைய பாக்கிகள் எளிதில் வசூலாகும். புகழ் தேடிவரும். ஒரு பெரிய புள்ளியின் அனுகூலம் கிடைக்கப் பெறுவீர்கள். மாணவர்கள் மெத்தனப் போக்கு கொள்ளாமல் தீவிர கவனத்துடன் பாடங்களை படிப்பது வெற்றிக்கு வழி வகுக்கும்.

பரிகாரம்:

பிரதோஷ காலத்தில் சிவனை வழிபடுவது கஷ்டங்களை நீக்கி வீண் விரயத்தை குறைக்கும். காரியத்தடை நீங்கும்.

அதிர்ஷ்ட கிழமைகள்:

திங்கள், வெள்ளி.