ரோகிணி

27.07.2017 முதல் 13.02.2019 வரை

எதையும் ஆழமாக யோசித்து திறமையுடன் செய்து முடிக்கும் ரோகினி நட்சத்திர அன்பர்களே, நீங்கள் குடும்பத்தினர்மீது அதிக பாசம் வைத்திருப்பவர்கள். உங்கள் நட்சத்திரத்திற்கு  ஏழாம் நட்சத்திரமான மகத்திலிருந்து ஆறாம் நட்சத்திரமான ஆயில்யத்திற்கு ராகுவும்,  இருபதாம் நட்சத்திரமான அவிட்டத்திற்கு கேதுவும் பெயர்ச்சி அடைகிறார்கள். இந்தப் பெயர்ச்சியில் பணவரத்து திருப்திகரமாக இருக்கும். சாமர்த்தியமாகப் பேசி காரியங்களில் வெற்றி பெறுவீர்கள். ஆனால் பலன் கிடைக்கத் தாமதமாகும். எதிர்பார்த்த உதவிகளும் தாமதமாகும். அடுத்தவருக்கு உதவும்போது கவனமாக இருப்பது நல்லது. தைரியம் அதிகரிக்கும். தொழில் வியாபாரம் எதிர்பார்த்த அளவு வேகமாக இல்லாவிட்டாலும் நிதானமாக இருக்கும். பணவரத்து உண்டு.

வாடிக்கையாளர்களை அனுசரித்துச் செல்வது நல்லது. நீண்ட நாட்களாக இருந்துவந்த சுணக்கநிலை மாறும். உத்தியோகஸ்தர்கள் எதையும் ஆலோசித்து செய்வது
நன்மைதரும். மேலதிகாரிகளுடன் மாற்றுக் கருத்து கொள்ளாமலிருப்பது நல்லது. சக ஊழியர்கள் ஆதரவாக இருப்பார்கள். கணவன்-மனைவி ஒருவரை ஒருவர்
அனுசரித்துச் செல்வது நல்லது. குடும்பத்தாருடன் நிதானமாகப் பேசுவது குடும்ப அமைதியைத் தரும். நண்பர்கள், உறவினர்கள் விலகிச் செல்வதுபோல் இருக்கும்; விட்டுப் பிடிப்பது நல்லது. குழந்தைகளின் எதிர்பார்ப்பை நிறைவேற்றுவீர்கள். பெண்களுக்கு எதிர்பார்த்த உதவிகள் கிடைக்கப்பெறுவீர்கள். மாற்று கருத்துகளை மற்றவர்களிடம் கூறாமல் இருப்பது நன்மை தரும்.

கலைத்துறையினரே, நீங்கள் மற்றவர்களுக்கு உதவுவதில் தயங்க மாட்டீர்கள். பேச்சுத் திறமை அதிகரிக்கும். எதிர் பாலினத்தவரிடம் பழகும்போது கவனம் தேவை. நண்பர்களால் அலைச்சல் குறையும். அரசியல்வாதிகளுக்கு வீண் அலைச்சல், வேலைப்பளு இருக்கும். மனம் மகிழும் காரியங்கள் நடக்கும். பேச்சுத் திறமையால் காரியங்களை சாதகமாக செய்து முடிப்பீர்கள். பயணங்கள் செல்ல நேரலாம். மாணவர்கள் எதையும் ஒருமுறைக்கு இருமுறை ஆலோசித்துச் செய்வது நல்லது. கல்வியில் முன்னேற்றம் காண்பீர்கள்.

பரிகாரம்:

அம்மனுக்கு பூஜை செய்து விரதம் இருப்பது கஷ்டங்களைப் போக்கும். மனக் குழப்பம் நீங்கி தைரியம் உண்டாகும்.

அதிர்ஷ்ட கிழமைகள்:

திங்கள், வியாழன், வெள்ளி.