திருவாதிரை

27.07.2017 முதல் 13.02.2019 வரை

வாழ்க்கையில் கஷ்டநஷ்டங்களை அனுபவமாக எடுத்துக்கொள்ளும் திறமைகொண்ட திருவாதிரை நட்சத்திர அன்பர்களே, நீங்கள் உழைப்பினால் சாதிக்கக்கூடியவர்கள். உங்கள் நட்சத்திரத்திற்கு ஐந்தாம் நட்சத்திரமான மகத்திலிருந்து நான்காம் நட்சத்திரமான ஆயில்யத்திற்கு ராகுவும், பதினெட்டாம் நட்சத்திரமான அவிட்டத்திற்கு கேதுவும் பெயர்ச்சி அடைகிறார்கள். இந்தப் பெயர்ச்சி காலத்தில் எதிர்ப்புகள் விலகும். தொல்லைகள் தீரும். தன்னம்பிக்கை அதிகரிக்கும். வீண் கவலைகள் ஏற்பட்டு நீங்கும். கோபத்தைக் கட்டுப்படுத்துவது நல்லது. பண வரத்து தாமதப்படும். வீண் ஆசைகள் உண்டாகலாம், கவனம் தேவை.

தொழில், வியாபாரத்தில் வேகம் குறைந்தாலும் திருப்திகரமாக நடக்கும். கூட்டுத் தொழில் செய்பவர்கள் கவனமுடன் செயல்படுவது நல்லது. எதிர்பார்த்த ஆர்டர்கள், சரக்குகள் வருவதில் தாமதம் உண்டாகலாம். உத்தியோகஸ்தர்கள் பிறர் ஆலோசனையைக் கேட்டு செயல்படுவதைத் தவிர்ப்பது நல்லது. மேலதிகாரிகள் மூலம் நன்மை உண்டாகும். குடும்பத்தில் இருந்த  பிரச்னைகள் குறையும். எதிர்பார்த்த காரியங்கள் நடக்கும். கணவன், மனைவிக்கிடையே கருத்து வேற்றுமை நீங்கும். பிள்ளைகள் விஷயத்தில் கவனமும், அனுசரணையும் வேண்டும். உறவினர், நண்பர்களுடன் இருந்த மனவருத்தம் நீங்கி நெருக்கம் ஏற்படும்.
பெண்களுக்கு வீண் கவலைகள் ஏற்பட்டு நீங்கும்.

மற்றவர்கள் ஆலோசனைகளை ஏற்குமுன் அதுபற்றி பரிசீலிப்பது நல்லது. கலைத்துறையினருக்கு உயர்நிலையில் உள்ளவர்களுடன் மனவருத்தம் ஏற்படும்படியான சூழ்நிலை வரும். வாகனங்களால் செலவு உண்டாகலாம். எதிர்பார்த்த பணவரவு, கடனுதவி கிடைக்கலாம். அரசியல்வாதிகள் திறமையாக செயல்பட்டு, பாராட்டு பெறுவீர்கள். விரும்பத்தகாத வாக்குவாதங்கள் ஏற்படலாம். எல்லாவித வசதிகளும் உண்டாகும். தேடிப்போனதும் தானாகவே வந்து சேரும். அறிவுத்திறன் அதிகரிக்கும். மாணவர்கள் எதிலும் நல்லது கெட்டதை யோசித்து அதன்பின் செயல்படுவது நன்மை தரும். கல்வியில் கூடுதல் கவனம் தேவை.

பரிகாரம்:

அருகிலிருக்கும் அம்மன் ஆலயத்திற்கு அடிக்கடி சென்று வணங்கி புளிசாதத்தை தானம் வழங்க மனத்தெளிவு உண்டாகும். அறிவுத் திறன் அதிகரிக்கும்.

அதிர்ஷ்ட கிழமைகள்:

புதன், வெள்ளி.