பூசம்

27.07.2017 முதல் 13.02.2019 வரை

விறுவிறுப்பாக எதையும் செய்யும் திறன் படைத்த பூச நட்சத்திர அன்பர்களே, உங்கள் நடத்தையில் எப்போதும் நேர்மை இருக்கும். உங்கள் நட்சத்திரத்திற்கு  மூன்றாம் நட்சத்திரமான மகத்திலிருந்து  இரண்டாம் நட்சத்திரமான ஆயில்யத்திற்கு ராகுவும், பதினாறாம் நட்சத்திரமான அவிட்டத்தில் கேதுவும் பெயர்ச்சி
அடைகிறார்கள். இந்தப் பெயர்ச்சியினால் எல்லாவிதத்திலும் நன்மை உண்டாகும். பணவரத்து திருப்திகரமாக இருக்கும். அந்நிய நபர்களிடம் கவனமாக இருப்பது நல்லது. எதிர்ப்புகள் நீங்கும். எதிர்பார்த்த உதவிகள் கிடைக்கும். தொழில், வியாபாரத்தில் அதிக உழைப்பினால் லாபம் கிடைக்கப்பெறுவீர்கள். பொருளாதாரம் சாதகமாக இருக்கும். பங்குதாரர்களிடம் இருந்துவந்த பூசல்கள் அகலும்.

உத்தியோகஸ்தர்கள் எந்த வேலையையும் கூடுதல் உழைப்பின் மூலம் செய்துமுடிக்க வேண்டியிருக்கும். எதிர்பார்த்த பணியிட மாற்றம், பதவி உயர்வு தேடி வரும். குடும்பத்தில் இருந்த பிரச்னைகள் நீங்கும். எதிர்பார்த்த தகவல் நல்ல தகவலாக இருக்கும். கணவன், மனைவி இருவரும் எந்த ஒரு முடிவையும் நிதானமாக யோசித்து எடுப்பது நன்மை தரும். அவசரத்தைத் தவிர்ப்பது நல்லது. சகோதரர் வழியில் உதவியை எதிர்பார்க்கலாம். உறவினர்கள், நண்பர்கள் ஆதரவாக இருப்பார்கள். பெண்களுக்கு எதிர்ப்புகள் நீங்கும். நெருக்கடியான நேரத்தில் எதிர்பார்த்த உதவிகள் கிடைக்கும். முயற்சிகளில் சாதகமான பலன் கிடைக்கும்.

கலைத்துறையினருக்கு பாராட்டுகள் வரும். வெளிநாட்டுப் பயணங்களும் இனிதே அமையும். எதிர்பார்த்த ஆதாயம் கிடைக்கும். நண்பர்களிடையே நட்பு சிறக்க விட்டுக் கொடுத்தல் அவசியம். கூட்டுத்தொழிலில் அதிகம் அக்கறை தேவை. அரசியல்வாதிகளுக்கு நீண்ட நாளாக இருந்துவந்த பிரச்னைகள் விலகும். எந்த விஷயத்திலும் பொறுப்புடன் செயல்படுவது நல்லது. திடீர்ச் செலவுகள் ஏற்படும். சிக்கன நடவடிக்கை அவசியம் தேவை. உழைப்புக்கு முக்கியத்துவம் கொடுத்து அயராது பாடுபடுபவர்கள் அதிகப்பயன் பெறுவார்கள். மாணவர்களுக்கு கூடுதலாக நேரம் ஒதுக்கி பாடங்களை படிப்பது வெற்றிக்கு உதவும். தேவையான உதவிகள் கிடைக்கும்.

பரிகாரம்:

சனிக்கிழமையில் விரதம் இருந்து மாலையில் சிவன், நவகிரகங்களை வணங்கி செவ்வாய் பகவானுக்கு தீபம் ஏற்றி வழிபட்டு வர எதிர்ப்புகள் விலகும். பிரச்னைகளில் சுமுக முடிவு உண்டாகும். தைரியம் கூடும்.

அதிர்ஷ்ட கிழமைகள்:

ஞாயிறு, வியாழன், வெள்ளி.