கன்னி

1.3.26 முதல் 7.3.26 வரை

வீடு மனை யோகம் உண்டாகும். வரவுக்கேற்றாற் போல் செலவு செய்யும் உங்களுக்கு நிலுவையில் உள்ள பணம் வந்து சேரும். தந்தை மூலம் நன்மை உண்டாகும். எந்த ஒரு காரியத்திலும் தெளிவான முடிவினை எடுப்பீர்கள். அரசாங்கம் மூலம் நடக்க வேண்டிய காரியங்களில் இருந்த முட்டுக்கட்டைகள் நீங்கும். தொழில் வியாபாரத்தில் பார்ட்னர்கள் மூலம் நன்மை உண்டாகும். உத்யோகத்தில் இருப்பவர்கள் எளிதான பணிகளை கூட கடினப்பட்டு செய்யும் படியிருக்கும். கணவன், மனைவிக்கிடையில் இருந்த கருத்து வேறுபாடு தீரும். பெண்களுக்கு மனகுழப்பம் நீங்கி எதிலும் தெளிவான முடிவு எடுக்கும் மனநிலை ஏற்படும். கலைத்துறையினருக்கு எளிதில் முடிய வேண்டிய காரியம் கூட தாமதமாகலாம். சூரியன் சஞ்சாரத்தால் மனதில் தைரியம் உண்டாகும். மாணவர்களுக்கு பெற்றோர், ஆசிரியர் கூறியபடி செயல்படுவது கல்வியில் வெற்றி பெற உதவும்.

பரிகாரம்: நரசிம்மரை வணங்க எதிர்ப்புகள் அகலும். எதிலும் வெற்றி உண்டாகும்.