தனுசு

17-7-2024 முதல் 16-8-2024 வரை

(மூலம், பூராடம், உத்திராடம் 1ம் பாதம் வரை)

குடும்பம்: சுக்கிரன், சனி, செவ்வாய், புதன் ஆகியோர் உங்களுக்கு ஆதரவாக சஞ்சரிக்கின்றனர். மற்ற கிரகங்களினால், நன்மை ஏதும் ஏற்பட வாய்ப்பில்லை! அர்த்தாஷ்டக ராசியில், ராகுவும், அஷ்டம (8) ராசியில் சூரியனும் அமர்ந்திருப்பதால், ஆரோக்கியத்தில் கவனமாக இருத்தல் அவசியமாகும், உஷ்ண சம்பந்தமான உபாதைகள் ஏற்படக்கூடும். ருண, ரோக, சத்ரு ஸ்தானத்தில் குரு சஞ்சரிப்பதால், வருமானத்தைவிட, செலவுகளே அதிகமாக இருக்கும். வீண் செலவுகளை உங்களால் தவிர்க்க முடியாது. “6-ல் குரு ஜீவ நதியையும் வற்றச் செய்யும்…!” என்பது ஆன்றோர் வாக்கு!! கூடியவரையில் கடன் வாங்குவதைத் தவிர்ப்பது நல்லது. இத்தகைய கிரக நிலைகள் அமைந்துள்ள தருணத்தில், வாங்கும் கடன் வளரும் எனக் கூறுகிறது, “ப்ருஹத் ஜாதகம்” எனும் வராஹமிகிரரின் புராதன ஜோதிட நூல் கூறுகிறது. இவர் பிரசித்திப் பெற்ற விக்கிர மாதித்திய மன்னரின் அவை ஜோதிட நிபுணராவார். திருமண முயற்சிகளில், வெற்றி கிட்டுவது கடினம். ெநருங்கிய உறவினர்களிடையே பரஸ்பர அந்நியோன்யமும், ஒற்றுமையும் குறையும்.

உத்தியோகம்: இத்துைறக்கு அதிபதியான சனி பகவான், சுப பலம் பெற்றுத் திகழ்கிறார், உங்கள் ராசிக்கு!! மேலதிகாரிகளின் ஆதரவும், நிர்வாகத்தினரின் பாராட்டுதல்களும் மனதிற்கு நிறைவைத் தரும். உங்கள் பணிகள் பளிச்சிடும். பலருக்கு, ஊதிய உயர்வும், பதவியுயர்வும் கிட்டும். புதிய வேலைக்கு முயற்சிக்கும் தனுர் ராசி அன்பர்களுக்கு, மனதிற்கு மகிழ்ச்சியளிக்கும் நிறுவனத்தில் நல்ல வேலை கிடைக்கும். வெளிநாடு செல்ல ஆர்வமிருப்பின், முயற்சிக்கலாம். எளிதில் வெற்றி கிட்டும்.

தொழில், வியாபாரம்: சனி, சுக்கிரன், செவ்வாய் ஆகிய மூவரும், சுப பலம் பெற்று வலம் வருவதால், உங்கள் தொழிலை அபிவிருத்தி செய்வதற்கு ஏற்ற மாதம் இந்த ஆடி! புதிய விற்பனை நிலையங்களைத் திறக்கலாம். அவசியமான நிதியுதவி எளிதில் கிட்டும். ஏற்றுமதித் துறையினருக்கு, வெளிநாட்டு நிறுவனங்களிலிருந்து, புதிய ஆர்டர்கள் கிடைப்பது, உற்சாகத்தை ஏற்படுத்தும். ஒரு சிலர் வியாபார ஒப்பந்தத்திற்காக வெளிநாடு சென்று வரும் யோகம் உள்ளதையும் கிரக நிலைகள் வெளிப்படுத்துகின்றன.

கலைத்துறையினர்: குரு பகவான் அனுகூலமற்ற நிலையில் சஞ்சரித்தாலுங்கூட, சுக்கிரன் மற்றும் சனி ஆகிய இரு கிரகங்களும் சுப பலத்துடன் வலம் வருவதால், கலைத் துறை அன்பர்களுக்கு, நல்ல யோக பலன்கள் இம்மாதம் கிட்டும். வருமானம் உயரும். அலைச்சலும், வெளியூர்ப் பயணங்களும் அசதியை ஏற்படுத்தினாலும். வருமானத்தை உயர்த்துவதற்கு, உதவிகரமாக அமைந்துள்ளன கிரக நிலைகள். ஒரு சிலருக்கு, வெளிநாடு ெசன்றுவரும் யோகமும் அமைந்துள்ளது.

அரசியல் துறையினர்: சனி பகவான், சுக்கிரன் மற்றும் செவ்வாய் ஆகிய மூவரும் உங்களுக்கு ஆதரவாக இருக்கின்றனர். கட்சியில் ஆதரவு பெருகும். மேல்மட்டத் தலைவர்களின் நம்பிக்கைக்கு உகந்தவர்களாக இருப்பீர்கள்!

மாணவ – மாணவியர்: கல்விக்கு அதிபதியான புதன், உங்களுக்கு ஆதரவாகச் சஞ்சரிக்கின்றார். சனி மற்றும் சுக்கிரனும் உதவிகரமாக இருப்பதால், படிப்பில் சிறந்த முன்னேற்றம் காத்துள்ளது. ஒரு சிலர், வெளிநாடு சென்று, விசேஷ உயர் கல்வி பெறுவதற்கும் கிரக நிலைகள் சுப பலம் பெற்று சஞ்சரிக்கின்றனர். கல்வி உதவித் தொகை (scholarship) கிடைப்பதற்கும் சாத்தியக்கூறு உள்ளதையும் கிரக நிலைகள் எடுத்துக்காட்டுகின்றன. இவ்வாய்ப்பினை நழுவ விட்டுவிடாதீர்கள்!!

விவசாயத் துறையினர்: சனி, செவ்வாய், சுக்கிரன் ஆகிய மூவரும் சுபத்துவப் பாதையில் சஞ்சரிப்பதால், அமோக விளைச்சலும், வருமானமும் கிட்டும். கால்நடைகள் சிறந்த அபிவிருத்தியை அடையும். பழைய கடன்கள் இருப்பின், அவற்றை அடைத்து, நிம்மதி பெறலாம் இந்த ஆடி மாதத்தில்! தற்போது நடைபெறும் தசா, புக்திகள் சுப பலம் பெற்றிருப்பின், சிறு விளைநிலம் ஒன்றைச் சொந்தமாக வாங்குவதற்கும் யோகமும் அமைந்துள்ளது.

பெண்மணிகள்: குரு பகவான், அனுகூலமாக இல்லாவிட்டாலும், அக்குறையை சுக்கிரன் தீர்த்து வைக்கிறார், இம்மாதத்தில்!! திருமண வயதில் உள்ள கன்னியருக்கு, சிறு தடங்கல் ஒன்று ஏற்பட்டு, பின்பு வரன் நிச்சயமாகும். வேலைக்குச் சென்று வரும் பெண்மணிகளுக்கு, ெசவ்வாயும், சனியும் சுபத்துவப் பாதையில் சஞ்சரிப்பதால், அலுவலகத்தில் உங்கள் உழைப்பிற்கு அங்கீகாரமும், பாராட்டுதல்களும் கிடைக்கும். ஒருசிலருக்கு, ஊதியமும் உயரும். சிறு பதவியுயர்வு கிடைப்பதற்கு சாத்தியக்கூறு உள்ளதையும் கிரகநிலைகள் குறிப்பிடுகின்றன.

அறிவுரை: அஷ்டமத்தில் சூரியனும், அர்த்தாஷ்டகத்தில் ராகுவும் இருப்பதால், உடல் நலனில் கவனமாக இருத்தல் அவசியம்.

பரிகாரம்: ஒருமுறை சூரியனார் கோயிலுக்குச் சென்று தரிசித்துவிட்டு வந்தால் போதும். தோஷங்கள் பறந்தோடும். செல்லும்போது, நெய் அல்லது நல்லெண்ணெய் தீபம் ஏற்றிவைக்க மறந்துவிடாதீர்கள்!

அனுகூல தினங்கள் ஆடி: 1, 2, 7-10, 14-17, 21-23, 27-29.

சந்திராஷ்டம தினங்கள் ஆடி: 18 காலை முதல், 20 மாலை வரை.

Dinakaran- astrology-logo

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Download Our Apps

Follow Us