சித்திரை

14.04.2019 முதல் 13.04.2020 வரை

கிரக நிலை: உங்கள் நட்சத்திரத்தின் இருபத்தி மூன்றாம் நட்சத்திரமான ஆயில்ய நட்சத்திரத்தில் இந்த விகாரி வருடம் பிறக்கிறது.

பலன்:

உறவினர் மூலம் உதவிகளை எதிர்கொள்ளும் சித்திரை நட்சத்திர அன்பர்களே, இந்த வருடம் பணவரவு அதிகரிக்கும். எதிர்பாராத நல்ல திருப்பங்களை  ஏற்படுத்தும். மனதில் சந்தோஷம் உண்டாகும். எந்த பிரச்னை வந்தாலும் சமாளித்து முன்னேறிச் செல்வீர்கள். தெளிவான முடிவுகள் எடுப்பதன் மூலம்  இழுபறியான காரியங்கள் சாதகமாக நடந்து முடியும். பொருளாதாரம் மேலோங்கும். மற்றவர்கள் பாராட்டக் கூடிய மிகப்பெரிய செயலை செய்து முடிப்பீர்கள்.
தொழில், வியாபாரம் வழக்கம்போல் நடக்கும். எதிர்பார்த்த பணம் வந்து சேரும். கடன் பிரச்னைகள் கட்டுக்குள் இருக்கும். உத்தியோகத்தில் இருப்பவர்கள் வீண்  அலைச்சலை சந்திக்க வேண்டி இருக்கும். மேல் அதிகாரிகளை அனுசரித்துச் செல்வது நல்லது. குடும்பத்தில் வீண் விவகாரங்கள் ஏற்பட்டு நீங்கும். கணவன், மனைவிக்கிடையே திடீர் கருத்து வேற்றுமை உண்டாகலாம். உறவினர்கள் மூலம் எதிர்பார்த்த  உதவிகள் தாமதமாக கிடைக்கும்.

பிள்ளைகளுக்காக கூடுதலாகப் பாடுபட வேண்டி இருக்கும். சகோதரர்களிடம் கவனமாகப் பேசுவது நல்லது. பெண்களுக்கு மனதில் வீண் குழப்பம் ஏற்பட்டு நீங்கும். முன்கோபத்தைக் குறைப்பது நன்மையை தரும். கலைத்துறையினருக்கு வீண் அலைச்சல், காரிய தாமதம் போன்றவை ஏற்படலாம். புதிய முயற்சிகளை தள்ளிப் போடுவது நல்லது. காரிய அனுகூலம் ஏற்படும்.  உணர்ச்சிகரமாக பேசி மற்றவர்களைக் கவர்வீர்கள். எல்லாவற்றிலும் எதிர்பார்த்த நன்மை உண்டாகும். பணம் வரத்து கூடும். அரசியல்துறையினருக்கு கூடுதல் பணிச்சுமையை ஏற்க வேண்டி இருக்கும். மேலிடத்திடம் உங்களது கருத்துக்களை தெரிவிக்கும் போது கவனமாகப் பேசுவது நல்லது. வீண் அலைச்சல், தடை தாமதம்  ஏற்படலாம் கவனம் தேவை. புதிய முயற்சிகளை தள்ளிப் போடுவது நல்லது. மாணவர்கள் கல்வியில் வெற்றி பெற அதிக ஈடுபாட்டுடன் படிப்பது நல்லது. வீண் அலைச்சல் ஏற்படலாம்.

பரிகாரம்:  

வெள்ளியன்று ஆதிபராசக்தியை வணங்க எல்லா நன்மைகளும் உண்டாகும். மனநிம்மதி கிடைக்கும்.

அதிர்ஷ்ட ஹோரைகள்:

சூரியன், சந்திரன், செவ்வாய்.

அதிர்ஷ்ட கிழமைகள்:

ஞாயிறு, திங்கள், செவ்வாய்.

அதிர்ஷ்ட மாதங்கள்:  

சித்திரை, ஆடி, கார்த்திகை, தை.