நான் +2 முடித்து கல்லூரிப் படிப்பை மேற்கொண்டுள்ளேன். எதிர்காலத்தில் ஆசிரியராக வர முயற்சி செய்து கொண்டிருக்கிறேன். என் விருப்பம் நிறைவேறுமா? அரசு வேலை கிடைக்குமா? - எம்.அகிலா, மேட்டூர் அணை.

இரக்க குணமும் எதையாவது சாதிக்க வேண்டும் என்கிற துடிப்பும் மிக்கவர்கள் நீங்கள். உங்களின் பெயர் மற்றும் ஜாதக அமைப்பின்படி ராகு, சந்திரன் இணைப்பால் சிலசமயம் குழப்பங்கள் ஏற்படக் கூடும். இது வாழ்க்கையின் முக்கிய முடிவுகளை தவறாக எடுக்கத் தூண்டும். ஆகவே, தெளிவாக இருங்கள். நல்ல வேலை கிடைத்து வாழ்வீர்கள். திங்கட்கிழமையன்று விழுப்புரத்திலிருந்து 36 கி.மீ. தொலைவிலுள்ள இடையாறு மருந்தீஸ்வரரை தரிசித்து வாருங்கள். திங்கட்கிழமையன்று விரதமிருங்கள். கீழேயுள்ள காரைக்கால் அம்மையார் பாடலை 11 முறை பாடுங்கள். அரசாங்க வேலை கிடைக்கும்.

வாசகர்களின் பிரச்னைகளுக்கு பதிலும் பரிகாரமும் சொல்கிறார் வேத மார்க போதக, கதா ஸரஸபாஷி, சேங்காலிபுரம் பிரம்மஸ்ரீ என்.வைத்யநாத தீட்சிதர்

வாசகர்கள் தங்கள் பிரச்னைகளை தினகரன் ஆன்மிக மலர், 229, கச்சேரி சாலை, மயிலாப்பூர், சென்னை - 600 004  என்ற முகவரிக்கு அனுப்பி வைக்கலாம். பரிகாரம் கேட்பவர்கள் கண்டிப்பாக தம் பெயர் / பிறந்த தேதி, மாதம், வருடம், நட்சத்திரம், ராசியை குறிப்பிடவும்.