நான் சொந்தத்தில் திருமணம் செய்து கொண்டேன். என் கணவர் குடிக்கு அடிமையாகி விட்டார். எந்த வேலைக்கும் சரியாகச் செல்வதில்லை. கூடா நட்பும் அதிகரித்துக்  கொண்டே வருகிறது. தற்போது மணல் வியாபாரம் செய்கிறார். ஆனால், வரவுக்கு முன்பே செலவும் செய்து கொண்டிருக்கிறார். அவர் திருந்தி வாழ நல்ல வழி காட்டுங்கள். - எம்.சுனிதா, ராணிப்பேட்டை.

உங்கள் கணவர் ஜாதகத்தில் செவ்வாய் பலவீனமாக இருக்கிறார். இதனாலேயே தவறான வழியில் செல்கிறார். உங்கள் கணவரின் ராசிப்படி பார்த்தால் குருபகவானின் நிலை சாதகமாக இருப்பதால் நிச்சயம் மனம் திருந்தி வாழும் வாய்ப்புகள் உள்ளன. நீங்கள் சீர்காழி பிரும்மபுரீஸ்வரர், திருநிலைநாயகி இருவரையும் செவ்வாய்க் கிழமையன்று தரிசித்து 18 முறை கீழ்க்காணும் பாடலை பாடுங்கள். ஒரிஜினல் பவழமாலையை நீங்கள் அணியுங்கள். இன்னொரு பரிகாரமாக, உங்கள் மகனை ஞாயிற்றுக்கிழமையன்று சூரிய ஒளிபடும் இடத்தில் அமர்ந்து இதே துதியைப் படிக்கச் செய்யுங்கள். உங்கள் குடும்பம் நல்ல வளம் பெறும்.

சேங்காலிபுரம் பிரம்மஸ்ரீ என்.வைத்யநாத தீட்சிதர்