எனக்கு சரியான முறையில் எந்தத் தொழிலுமே அமையவில்லை. சைவ ஹோட்டல் ஆரம்பிக்கலாமா? வேறு ஏதேனும் தொழில் செய்யலாமா? - தேவேந்திர பிரசாத், கிருஷ்ணகிரி.

கடுஞ்சொற்களைப் பேசி தொழிலில் மென்மேலும் நஷ்டத்தை ஏற்படுத்திக் கொண்டுவிட்டீர்கள். கேது மற்றும் சந்திரன் இணைப்பு வாழ்க்கையை நிலையற்றதாக கொண்டு செல்கிறது. தினமும் சூரியன் உச்சிக்கு வரும் நேரத்தில் கொஞ்ச நேரம் சூரிய ஒளி உங்கள்மீது படும்படி நில்லுங்கள். கோதுமை அப்பம் செய்து சிவாலயத்திலுள்ள நவகிரக சூரிய பகவானுக்குப் படையுங்கள். அரியலூருக்கு அருகேயுள்ள திருமழபாடி வைத்தியநாத சுவாமிக்கு அந்தணர்களைக் கொண்டு 11 முறை ருத்ர ஜபத்தை நடத்துங்கள். அந்த தீர்த்தத்தை எடுத்து வந்து ஸ்நானம் செய்யுங்கள். வீட்டை சுத்தம் செய்யும் ஆசிட் பொருட்களை வியாபாரம் செய்யுங்கள். சைவ சாப்பாடு ஹோட்டல் வேண்டாம். சிவாலயத்தில் சனிக்கிழமையன்று அமர்ந்து ‘ஓம் நமசிவாய’ என்று 336 தடவை,  சொல்லுங்கள். நீடித்த ஆயுளுடன் பொருட் செல்வமும் வந்து சேரும்.

சேங்காலிபுரம் பிரம்மஸ்ரீ என்.வைத்யநாத தீட்சிதர்