நான் என் அத்தை மகனை திருமணம் செய்து கொண்டேன். ஆனால், மிக விரைவிலேயே விவாகரத்து பெற்று வந்து விட்டேன். நான் ஊராட்சி ஒன்றிய அலுவலகத்தில் வேலை செய்கிறேன். பதவி உயர்வு கிட்டுமா? பெற்றோரும் இறந்து விட்டனர். எதிர்காலம் எப்படி இருக்கும் என்று கூறுங்கள். - சி. கமலா, கோவை.

கடக லக்னத்தில் செவ்வாயும், மகரத்தில் சந்திரனும் இருக்கிறது. இந்த வாழ்வு போதும் என்று கேது நினைக்க வைத்து விட்டார். கேது பகவான் 6ல் அமர்ந்திருக்கிறார். காளையார் கோயில் என்று மதுரைக்கு அருகே ஒரு தலம் அமைந்துள்ளது. அங்கு சென்று சொர்ண காளீஸ்வரரை தரிசித்து வாருங்கள். சிறப்பு அபிஷேக பூஜையுடன் வழிபாடு நடத்தி அன்னதானம் செய்யுங்கள். மலைக் கோயில்கள் அதாவது, மலைகளில் மீதுள்ள தலங்களுக்கு பிரயாணம் செய்து ஓம் நமசிவாய என்று எப்போதும் சொல்லுங்கள். சிவபிரானுக்கு அபிஷேகம் செய்த சுத்த நன்னீரை கேனில் வாங்கிவந்து பிரசாதமாக உட்கொள்ளுங்கள். பூரண ஆயுளுடனும் நிம்மதியாக வாழ்வீர்கள். பதவி உயர்வும் உண்டு.

சேங்காலிபுரம் பிரம்ம ஸ்ரீ என்.வைத்யநாத தீட்சிதா்