கடகம்

15-1-26 முதல் 12-2-26 வரை

அன்பால் அனைவரையும் அரவணைத்து செல்லும் கடக ராசி அன்பர்களே, உங்கள் ராசிநாதன் சந்திரபகவான் உங்கள் ராசிக்கு 5ல் சஞ்சரிப்பதால் எல்லா வகையிலும் அனுகூலமான பலன்கள் ஏற்படும். 2ல் கேது இருப்பதால் பேச்சில் கவனம் தேவை. பொருளாதார நிலையில் ஏற்றத்தாழ்வுகள் வந்து நீங்கும்.உடன்பிறப்புகளால் ஆதாயம் உண்டு. எடுக்கும் முயற்சிகளில் வெற்றி கிடைக்கும். அண்டை அயலார் உதவிகரமாக இருப்பார்கள். 7ல் சுக்ரன் இருப்பதால் தாயால் அனுகூலமான பலன்கள் ஏற்படும். வீடு வாகனம் சொத்து தொடர்பான விஷயங்கள் சாதகமாக அமையும். குழந்தைகளால் மகிழ்ச்சி உண்டு. பூர்வீக சொத்தால் ஆதாயம் உண்டு. ஷேர் மார்க்கெட்டில் லாபம் அதிகரிக்கும். கணவன்,மனைவிக்குள் பிரச்னைகள் வர வாய்ப்புள்ளதால் ஒருவருக்கொருவர் விட்டுக்கொடுத்துச் செல்வது நல்லது. தம்பதிகளுக்குள் வெளி ஆட்களின் தலையீட்டை தவிர்ப்பது நல்லது. வியாபாரத்தில் கூட்டாளிகளிடம் கவனம் தேவை. 8 ல் ராகு இருப்பதால் வாகன பயணங்களில் கவனம் தேவை. இரவு நேர பயணங்கள் மற்றும் நீண்ட தூரப் பயணங்களை தவிர்ப்பது நல்லது. உங்களுக்கு தொடர்பு இல்லாத தேவையற்ற வீண் விவகாரங்களில் தலையிட வேண்டாம். கல்வி மற்றும் வேலைவாய்ப்புக்காக வெளிநாடு செல்வதற்கான முயற்சிகள் கைகூடும். தொழில் மற்றும் உத்யோகத்தில் உயர்வு உண்டு. எதையும் சமாளிக்கும் தைரியமும் தன்னம்பிக்கையும் ஆற்றலும் உங்களிடம் இருக்கும்.

சந்திராஷ்டம நாட்கள்: ஜனவரி 21, 22, 23.

பரிகாரம்: ஒசூரில் உள்ள சந்திரசூடேஸ்வரரை திங்கள் கிழமையில் சென்று வழிபடுவது நன்மை தரும்.