தனுசு

15-1-26 முதல் 12-2-26 வரை

நல்லவருக்கு நல்லவனாகவும், வல்லவனுக்கு வல்லவனாகவும் விளங்கும் தனுசு ராசி அன்பர்களே, உங்கள் ராசிக்கு யோகாதிபதியாகிய சூரிய பகவான் 2ல் சஞ்சரிப்பதாலும், ராகு 3ல் சஞ்சரிப்பதாலும் எத்தனை தடைகள் பிரச்னை வந்தாலும் அதை எல்லாம் வென்று வெற்றி பெறுவீர்கள். பொருளாதார ஏற்றத்தாழ்வு ஏற்படும் என்பதால் சிக்கனம் மற்றும் சேமிப்பில் அதிக கவனம் செலுத்துவது நல்லது. எடுக்கும் முயற்சிகளில் வெற்றி கிடைக்கும். மனோ பலம் அதிகரிக்கும். 4ல் சனி இருப்பதால் தாய் உடல் நலனில் கவனம் தேவை. தாய் மற்றும் உறவுகளால் மன கசப்புகள் வந்து நீங்கும். குழந்தைகளின் நன்மைக்கான செலவினங்கள் ஏற்படும். நீண்ட நாள் பிரார்த்தனையை நிறைவேற்றுவீர்கள். அதிர்ஷ்ட வாய்ப்புகள் தேடி வரும். வீண் விரயங்கள் மருத்துவ செலவினங்கள் வர வாய்ப்புள்ளதால் கவனம் தேவை. எதிரிகளால் வீண்பிரச்சினைகள் வந்து நீங்கும். உடல் ஆரோக்கியத்தில் கவனம் தேவை. கடன் வாங்கும் சூழல் உண்டாகும். 7ல் குரு இருப்பதால் கணவன், மனைவிக்குள் அன்பும் ஆதரவும் அதிகரிக்கும். வியாபாரத்தில் கூட்டாளிகளால் ஆதாயம் உண்டு.தந்தையுடன் வாக்குவாதத்தை தவிர்க்கவும். தொழில் மற்றும் உத்யோகத்தில் உயர்வு ஏற்படும். உயர் அதிகாரிகள் மற்றும் சக ஊழியர்கள் சாதகமாக இருப்பார்கள். எண்ணிய எண்ணங்கள், நீண்டநாள் ஆசைகள் விடாமுயற்சியால் நிறைவேறும்.

சந்திராஷ்டம நாட்கள்: ஜனவரி 31. பிப்ரவரி 1, 2.

பரிகாரம்: திருச்செந்தூரில் உள்ள முருகப்பெருமானை வியாழக்கிழமையில் சென்று வழிபடுவது நன்மை தரும்.