தனுசு

18-8-26 முதல் 17-9-26 வரை

மற்றவர்களின் தவறுகளை எளிதில் உணர்த்தும் தனுசு ராசி அன்பர்களே, உங்கள் ராசிக்கு 9ல் சூரிய பகவான் சஞ்சரிப்பதால், எத்தனை பிரச்னைகள் வந்தாலும் எளிதில் வெற்றிகொண்டு சாதனை படைப்பீர்கள். இருப்பினும் குடும்ப விவகாரங்களில் கொஞ்சம் கவனம் தேவை. ஒருவருக்கொருவர் விட்டுக் கொடுத்துச் செல்வது நல்லது. வீண் வாக்குவாதத்தை தவிர்க்கவும். எடுக்கும் முயற்சிகள் வெற்றி பெறும். 4ல் சனி இருப்பதால் தாய் உடல்நலனில் கவனம் தேவை. உறவுகளால் மனக்கசப்புகள் வந்து நீங்கும். வீடு வாங்குவது தொடர்பான விஷயங்களை கவனமாக கையாளுங்கள். குழந்தைகளால் மகிழ்ச்சி உண்டு. ஷேர் மார்க்கெட்டில் லாபம் ஏற்படும். எதிரிகளால் பிரச்னைகள் இருந்தாலும் சமாளித்து விடுவீர்கள். எதிர்பாராத அதிர்ஷ்டம் உண்டு. கணவன் மனைவிக்குள் அன்பும் ஆதரவும் அதிகரிக்கும். வியாபாரத்தில் கூட்டாளிகளிடம் கவனம் தேவை. வியாபார ரீதியான புதிய ஒப்பந்தங்கள் நன்மை தரும். தந்தை உடல்நலனில் கவனம் தேவை. திடீர் பணவரவு உண்டு. வெளிநாட்டு தொடர்பால் ஆதாயம் உண்டு. குரு 8ல் இருப்பதால் தொழில் மற்றும் உத்யோகத்தில் உயர்வு ஏற்படும். உயர் அதிகாரிகள் மற்றும் சக ஊழியர்களை அனுசரித்து செல்வது நல்லது. வாகன பயணங்களில் கவனம் தேவை. நீண்ட நாள் ஆசைகள் கனவுகள் நிறைவேறும். விடாமுயற்சி மிகப்பெரிய வெற்றியை ஏற்படுத்தி தரும்.

சந்திராஷ்டம நாட்கள்: செப்டம்பர் 7, 8, 9.

பரிகாரம்: சென்னை பாடி திருவல்லீஸ்வரர் மற்றும் குருபகவானை வியாழக்கிழமையில் சென்று வழிபடுவது நன்மை தரும்.