சிம்மம்

(31.7.2025 முதல் 6.8.2025 வரை)

சாதகங்கள்: ராசிநாதன் சூரியன் 12ல் இருந்தாலும் உங்களுடைய கவலைகளை தீர்ப்பது லாபஸ்தானத்தில் உள்ள குருவும் சுக்கிரனும்தான். இரண்டு சுபகிரகங்கள் லாபஸ்தானத்தில் இருந்து உங்கள் பூர்வ புண்ணிய ஸ்தானத்தைப் பார்ப்பதால், எல்லாவிதத்திலும் மிகுந்த நன்மை உண்டு. பொருளாதார ஏற்றம், குடும்பத்தில் அமைதி, கணவன் மனைவி ஒற்றுமை போன்றவை ஏற்படும். சப்தம ஸ்தானத்தில் சனி ராகு இருந்தாலும் குருவின் 9ம் பார்வை பிரச்னைகளைக் கட்டுக்குள் வைத்திருக்கும். ஐந்தாம் இடம் வலுப்பெறுவதால் திருமணமான பெண்களுக்கு குழந்தை பேறு கிடைக்கும். கிரக நிலைகளை கவனத்தில் கொள்ளவும். சுபகாரியங்கள் பலிதமாகும்.

கவனம் தேவை: ராசியில் கேது பகவான் அமர்ந்திருக்கிறார். அது அவருக்கு பகை ராசி. அதோடு கேது விரக்தி மனப்பான்மையை தருபவர். எனவே எந்த பிரச்னை வந்தாலும் உடனே சுருங்கி சோர்ந்துவிட வேண்டாம். சட்டென்று எழுந்து நில்லுங்கள். குடும்ப பிரச்னைகளை புத்திசாலித்தனமாகக் கையாளுங்கள். இரண்டில் செவ்வாய் இருப்பதால் டென்ஷன் அடைய வேண்டாம் கோபப்பட வேண்டாம்.

பரிகாரம்: செவ்வாய் குடும்பத்தில் இருப்பதால் முருகனை வணங்குங்கள் முறையான நன்மை கிடைக்கும்.