விருச்சிகம்

(21.8.2025 முதல் 27.8.2025 வரை)

சாதகங்கள்: ராசிக்கு நான்காம் இடத்தையும் ராசிக்கு இரண்டாம் இடத்தையும் குரு பார்க்கிறார். ராசி அதிபதி 11-ஆம் இடத்தில் அமர்ந்து ஐந்தாம் இடத்தையும் ஆறாம் இடத்தையும் இரண்டாம் இடத்தையும் பார்ப்பது சிறப்பு. குடும்பத்தில் சந்தோஷம் உண்டு. பொருளாதார ஏற்றம் உண்டு. பிள்ளைகளால் மகிழ்ச்சி உண்டு. பகை விலகி வழக்குகளில் வெற்றி உண்டு. பாக்கியஸ்தானத்தில் சுக்கிரனும் புதனும் இணைந்து இருக்கிறார்கள். நான்காம் இடத்தில் உள்ள சனி, ராகு தோஷம் மிகக் குறைந்த அளவில் செயல்படும். வருமானம் பெருக புதிய வழிகள் பிறக்கும். குடும்பத்தில் நடைபெறும் சுபகாரிய முயற்சி வெற்றி பெறும். நண்பர்களால் ஆதரவு உண்டு. சகோதரர்களால் உதவி உண்டு. கொடுக்கல் வாங்கல்களில் சிக்கல்கள் தீரும். பத்திரப் பதிவுகள் வெற்றிகரமாக முடியும். வீடு மனை வாங்கும் விஷயங்களில் வெற்றி கிடைக்கும். சிலர் புதிய வீடு கட்டிக் குடி போவீர்கள். ரியல் எஸ்டேட் தொழில் ஆதாயமாக இருக்கும்.

கவனம் தேவை: எட்டாம் இடத்தில் குரு இருப்பதால் அவ்வப்பொழுது ஆரோக்கியத்தில் பின்னடைவுகள் ஏற்படலாம். மருத்துவ உதவிகள் தேவைப்படலாம். குறிப்பாக தொடர்ச்சியாகப் பயன்படுத்தும் வீரிய மருந்துகளால் ஒவ்வாமை ஏற்படலாம். உடலில் சிறிய கட்டிகளும் தடிப்பும் ஏற்படலாம். உயர் ரத்த அழுத்த பிரச்னைகளால் அமைதி குறையலாம்.

பரிகாரம்: பறவைகளுக்கு இயன்றளவு உணவும் நீரும் அளிக்கவும். நரசிம்ம மூர்த்தியை வணங்கவும்.