(20.11.2025 முதல் 26.11.2025 வரை)

சாதகங்கள்: குரு ஆறாம் இடத்தில் உச்சம் பெற்று இருந்தாலும் உங்கள் விரயஸ்தானத்தையும் குடும்ப ஸ்தானத்தையும் பார்வை இடுவதால் செலவுகள் கட்டுக்குள் இருக்கும். அனாவசியமான செலவுகள் குறையும். யோசனை செய்து செலவு செய்தால் பொருளாதாரப் பிரச்னைகள் வராது. சுக்கிரன் பலமாக இருப்பதால் ஆடை ஆபரணச் சேர்க்கை ஏற்படும். பழைய வாகனங்களைக் கொடுத்துவிட்டு புதிய வாகனங்களை வாங்குவீர்கள். சிறிய மகிழ்ச்சிக்குரிய

பிரயாணங்கள் ஏற்படும். விருந்து கேளிக்கை விஷயங்களில் சந்தோஷம் வரும். உறவினர்களிடையே கலந்து பழகும் சந்தர்ப்பங்களும் உண்டாகும். ஒன்றுக்கும் மேற்பட்ட வருமான வாய்ப்பு உண்டு.

கவனம் தேவை: ராசியில் வக்ரகதியில் ராகுவோடு இணைந்து சனி இருப்பதால் அவரால் ஏற்படும் பிரச்னைகள் கட்டுக்குள் இருக்கும். ஆறில் குரு அமர்ந்திருப்பதால் குடும்பத்தில் யாருக்கேனும் ஒருவருக்கு உடல் நலப் பிரச்னைகள் ஏற்படலாம். தேவையில்லாத கருத்து வேறுபாடுகளால் எதிரிகள் ஏற்பட்டு மனக்கசப்புகளைத் தரலாம். கடன் பிரச்னை மற்றும் பத்திரங்களில் குளறுபடிகள் ஏற்பட்டு பிரச்னைகள் ஏற்படலாம். வழக்குகள் சாதகமாக முடிவாவதில் தாமதம் ஏற்படும்.

பரிகாரம்: திங்கட்கிழமை பிரதோஷ வேளையில் அருகாமையில் உள்ள சிவன் கோயிலுக்கு சென்று வழிபட்டு வாருங்கள்.