மேஷம்

(14.8.2025 முதல் 20.8.2025 வரை)

சாதகங்கள்: இதுவரை ராசிக்கு நாலில் இருந்த சூரியன் வாரத் தொடக்கத்தில் அதாவது 17ஆம் தேதியிலிருந்து தன்னுடைய சொந்த ராசியான சிம்ம ராசியில் பிரவேசிக்கிறார். ஐந்தாம் இடத்தில் சொந்த ராசியில் ஆட்சி பெறுவதால் அவர் ஆற்றல் கூடுகிறது. கோச்சார ரீதியாக சூரியனுக்கு அது நல்ல இடம் இல்லை என்றாலும் பஞ்சமாதிபதி பஞ்சமஸ்தானத்தில் ஆட்சி பெறுகிறது என்கிற கணக்கில் அது நன்மையைச் செய்யும். குழந்தைகளால் சந்தோஷம் உண்டு. புதிய முயற்சிகள் வெற்றி பெறும் பெற்றோர்களின் ஆரோக்கியம் சிறப்பாக இருக்கும். கொடுக்கல் வாங்கல்கள் சுலபமாகும். பழைய கடன்கள் வசூல் ஆகிவிடும். சொத்துப் பிரச்னைகள் தீரும். மூன்றில் சுக்கிரன் இருப்பதால் பரம சௌக்கியம் உண்டு. கலைஞர்களுக்கு ஆதாயம் உண்டு. திருமணமான பெண்கள் கருத்தரிப்பதற்கு சாதகமான கிரக நிலைகள் உண்டு. ஊதிய உயர்வு, பதவி உயர்வோடு கூடிய இடமாற்றம் கிடைக்க அமைப்புள்ளது.

கவனம் தேவை: உறவினர்களிடையே பிரச்னைகள் வரலாம். கவனமாகக் கையாள வேண்டும். கணவன் மனைவி கருத்து வேறுபாடுகள் நிகழலாம். தாயின் ஆரோக்கியத்தில் கவனம் தேவை. சுபகாரிய முயற்சிகளில் சிறு தடங்கல்கள் ஏற்படும்.

பரிகாரம்: வாயில்லா ஜீவனுக்கு உணவு தாருங்கள். முருகனை வழிபடுங்கள்.