கடகம்

(20.11.2025 முதல் 26.11.2025 வரை)

சாதகங்கள்: பூர்வ புண்ணிய ஸ்தானத்தில் செவ்வாய் பலம் பெற்று இருக்கிறார். அவரோடு சூரியனும் இணைந்திருக்கிறார். பக்தி, தெய்வ தரிசனம் போன்ற விஷயங்களில் ஆர்வம் அதிகரிக்கும். கோயில் பயணங்கள் மேற்கொள்வீர்கள். ஜன்மத்தில் குரு இருந்தாலும் அவர் உங்கள் திரிகோண ராசிகளைப் பார்வையிடுவதால் கஷ்டங்களை சமாளிக்கும் அமைப்பு உண்டு. ஏதேனும் ஒருவகையில் அவ்வப்பொழுது உதவி கிடைத்து உங்கள் கஷ்டங்கள் தீரும். சிலருக்கு வெளியூர் அல்லது வெளிநாட்டுப் பயணம் செய்யும் வாய்ப்பு அமையும். தொழில் வியாபாரத்தில் சிறிய சிக்கல்கள் இருந்தாலும் கூட எதிர்பார்த்தபடி தடையின்றி வியாபாரம் நடக்கும். உத்தியோகத்தில் உள்ளவர்கள் கூடுதல் பொறுப்புக்களை ஏற்க வேண்டி இருக்கும். உபரி வருமானம் கிடைக்கும்.

கவனம் தேவை: பல கிரகங்கள் உங்களுக்கு எதிர்பலன் தரும் அமைப்பில்தான் இருக்கின்றன என்பதால் எதையுமே யோசித்தும் நிதானமாகவும் செய்வது நல்லது. எடுத்தேன் கவிழ்த்தேன் என்று எந்த விஷயத்தையும் செய்ய வேண்டாம். அலைச்சல் அதிகமாக இருக்கும் ஆரோக்கியத்திலும் மிகுந்த கவனம் தேவை. உணவு விஷயத்தில் கட்டுப்பாடு தேவை. வருமானத்திற்கு மீறிய செலவு, உறவினர்களின் ஒத்துழைப்பு இன்மை முதலிய பிரச்னைகள் வரவே செய்யும்.

பரிகாரம்: சந்திரமவுலீஸ்வரரை வணங்குங்கள். சனிக்கிழமை சனி பகவானுக்கு பிரதட்சணம் செய்து விளக்கு போடுங்கள்.