மகரம்

(20.11.2025 முதல் 26.11.2025 வரை)

சாதகங்கள்: இதுவரை பத்திலிருந்த சுக்கிரன் வாரக் கடைசியில் லாபஸ்தானத்தில் வந்து சூரியனோடு இணைகிறார். சுக லாபாதிபதி செவ்வாய் லாப ஸ்தானத்தில் ஆட்சி பலத்தில் இருந்து உங்கள் தன குடும்ப ஸ்தானத்தைப் பார்ப்பது சிறப்பு. கிட்டத்தட்ட ஏழரைச்சனி விலக, ஓரளவு சாதகமான பலன்களை உங்களுக்கு நடைபெறும். இதுவரை மனஅமைதியை இழந்தவர்கள் இனி புதிய செய்திகளாலும் சிந்தனையாலும் ஊக்கமும் உற்சாகமும் பெற்று புதிய முயற்சிகளில் ஈடுபடலாம். உச்சம் பெற்ற குரு பார்வை உங்கள் ராசியிலும் லாப ஸ்தானத்திலும் தைரியஸ்தானத்திலும் விழுவதால் எந்தப் பிரச்னைகளையும் உங்களுக்கு சாதகமாகவே முடியும் வண்ணம் மாற்றிக் கொள்ளும் திறன் பெற்று இருப்பீர்கள்.

கவனம் தேவை: பாக்கியஸ்தானத்தில் சர்ப்ப கிரகமாகிய ராகு அமர்ந்திருக்கிறார் அஷ்டமத்தில் கேது அமர்ந்திருக்கிறார் என்பதால் உங்கள் பேச்சினாலும் உணவினாலும் சில தவிர்க்க முடியாத உடல்நல பிரச்னைகள் ஏற்படும். அனுசரித்து நடந்து கொள்ளவும். உறவுகளை அலட்சியப்படுத்த வேண்டாம். இரண்டாம் இடத்தில் ராகு பகவான் இருப்பதாலும், தாம்பத்திய உறவில் சில குழப்பங்களும் நெருடல்களும் ஏற்படலாம்.

பரிகாரம்: உடல் ஊனமுற்றோருக்கு உதவியைச் செய்யுங்கள்.