(11.12.2025 முதல் 17.12.2025 வரை)

சாதகங்கள்: மூன்று பன்னிரண்டுக்கு உரிய குரு வக்ரம் பெற்று உங்கள் ராசியைப் பார்க்கிறார். லாபஸ்தானத்தில் சுக்கிரனும் புதனும் இணைந்து இருக்கிறார்கள். அவர்கள் பார்வை ஐந்தாம் இடத்தைப் பார்க்கிறது.முன்னோர்களின் ஆசிகள் உங்களுக்கு உண்டு. குலதெய்வம் குறித்த விழிப்புணர்வு இருப்பதால் தொட்ட காரியங்கள் எப்படியும் மனதுக்கு ஏற்றபடி நடந்துவிடும். பொருளாதாரத்தில் சிக்கல் இல்லை. புதிய ஒப்பந்தங்கள் கிடைக்கும். தொழில் போட்டி அகலும். நீண்ட நாட்களாக எதிர்பார்த்த பதவி உயர்வு கிடைக்கும். புகழ்பெற்ற ஆலயங்களுக்குச் சென்று வணங்கும் நல் வாய்ப்பு கிடைக்கும்.

கவனம்தேவை: வாக்கு ஸ்தானத்தில் ராகு சனி இருப்பதால், தேவையில்லாத வாக்குறுதி அளிக்க வேண்டாம். வாக்குறுதியை காப்பாற்ற முடியாத சூழ் நிலைகள் வரும். யாரிடமும் முக்கியமான பொறுப்புகளை நம்பி ஒப்படைக்க வேண்டாம். மனக்கசப்பு வரும். குரு வக்ரம் பெற்றிருப்பதால் சில நேரங்களில் வரவைவிட செலவு அதிகரித்து பொருளாதார நெருக்கடியும் வரலாம்.

சந்திராஷ்டமம்: 12.12.2025 காலை 10.20 வரை சந்திராஷ்டமம் உண்டு. பேச்சில் கவனமாக இருக்கவும். வாதப்பிரதி வாதங்களில் ஈடுபட வேண்டாம்.

பரிகாரம்: சிவன் கோயிலில் நவகிரக சந்நதிக்குச் சென்று நல்லெண்ணெய் தீபம் போடுங்கள். நன்மை கிடைக்கும்.