துலாம்

(30.10.2025 முதல் 5.11.2025 வரை)

சாதகங்கள்: ராசிக்குள் ராசிநாதன் சுக்கிரன் வருவதும், ஆட்சி பலம் பெறுவதும் சிறப்பு. எதிர்பார்த்த நல்ல செய்தி ஒன்று விரைவில் வந்து சேரும். தொழில் ஸ்தானத்தில் உள்ள குரு உங்கள் தனஸ்தானத்தைப் பார்வை இடுவதால் தொழில் வளர்ச்சி சிறப்பானதாக இருக்கும். தொழிலில் எதிர்பார்த்த மாற்றங்கள் உண்டு. செவ்வாய் ஆட்சி பலம் பெற்று குடும்பஸ்தானத்தில் இருப்பதால், ரியல் எஸ்டேட் தொழில் முன்னேற்றமாக இருக்கும். வீடு கட்டுதல் காலி மனை வாங்குதல் முதலிய விஷயங்கள் சாதகமாக இருக்கும். சிலர் புது வீடு கட்டி குடிபோகும் யோகம் உண்டு.

கவனம் தேவை: வாக்கு ஸ்தானத்தில் ஆட்சி பெற்ற கிரகமான செவ்வாய் வலுவாக இருப்பதால், பேச்சில் மிகுந்த கவனம் தேவை. சகோதர உறவுகளோடு கருத்து வேற்றுமை வேண்டாம். சனி வக்ரகதியில் இருப்பதால் காரியத் தடைகள் ஏற்படலாம் என்பதால் கவனமாகச் செயல்படவும். சில நேரங்களில் திடீர் பண நெருக்கடி ஏற்படலாம். வாக்குவாதத்தால் கசப்புகள் ஏற்படலாம்.

பரிகாரம்: ராம பக்த ஆஞ்சநேயனை வணங்குவதன் மூலம் சகல நன்மைகளும் கிடைக்கும்.