(20.11.2025 முதல் 26.11.2025 வரை)

சாதகங்கள்: வாரத்தின் முதல் சில நாட்கள் ராசியில் உள்ள ராசிநாதன் சுக்கிரன், வாரக் கடைசியில் விருச்சிக ராசிக்கு நகர்கிறார். இந்த இரண்டு இடங்களிலும் அவர் சிறப்பான பலன்களைத் தருவார். குறிப்பாக பொருளாதாரத்தை மேம்படுத்துவார். ஆபரணச் சேர்க்கைகள் மற்றும் வாகன சேர்க்கைகள் முதலிய விஷயங்களைச் சாதகமாக நடத்தித் தருவார். பத்தாம் இடத்தில் குரு இருந்தாலும் அவர் தன் குடும்ப ராசியைப் பார்வையிடுவதால் குடும்பத்தில் அமைதி நிலவும். குடும்ப உறுப்பினர் களின் ஒத்துழைப்பு கிடைக்கும். சுபகாரியப் பேச்சுக்கள் நல்ல முடிவுக்கு வரும். புதிய தொழிலை நடத்த நினைப்பவர்களுக்கு அதற்கான வழி பிறக்கும் கூடுதல் உழைப்புக்கேற்ற வருமானம் கிடைக்கும்.

கவனம் தேவை: பூர்வ புண்ணிய ஸ்தானம் சற்று பலம் குறைந்து இருப்பதால் பழைய சொத்துப் பிரச்னைகள், உறவுப் பிரச்னைகள், பஞ்சாயத்துக்கள் தலை தூக்கும். கவனமாக கையாள வேண்டும். வழக்குகள் இழுத்தடிக்கும். சக ஊழியர்களின் ஒத்துழைப்பு கிடைக்காது. மனதில் கசப்புணர்வும் சஞ்சலமும் இருக்கும். ஐந்தாம் இடத்தில் பாவ கிரகங்கள் இருப்பதால் குழந்தைகள் சம்பந்தப்பட்ட விஷயங்களில் மனக்குழப்பம் இருக்கும். தேவையில்லாத பிரயாணங்கள் ஏற்படும்.

பரிகாரம்: விநாயகப் பெருமானை வணங்குங்கள் விக்னங்கள் தீரும்.