(11.12.2025 முதல் 17.12.2025 வரை)

சாதகங்கள்: பஞ்சம விரயாதிபதியான செவ்வாயோடு டிசம்பர் 16ஆம் தேதி சூரியன் வந்து இணைகிறார். பன்னிரண்டாம் இடத்தில் சுக்கிரனும் புதனும் இணைந்து இருப்பதும், ராசியாதிபதி குரு இரண்டாம் இடத்தைப் பார்ப்பதும் போன்ற கிரக அமைப்பினால், தன குடும்ப ஸ்தானம் பலம் பெற்று, பொருளாதார நிலை உயரும். கேந்திராதிபத்திய தோஷம் பெற்ற குரு வக்ரமடைவதால் எதிர்பாராத நன்மைகள் உண்டு. பூமி வாங்கும் யோகம் உண்டு. கடன் சுமை குறையலாம். சுபகாரிய முயற்சிகள் பலிக்கும். வெளிநாட்டில் இருந்து வரும் செய்தி மகிழ்ச்சி தரும். வேலை மாற்றங்கள் மனதுக்கு ஏற்றபடி அமையும். மாமன் வகை உறவுகள் கை கொடுக்கும். மூன்றாமிடம் பலம் பெற்றிருப்பதால்

எதையும் தைரியத்தோடு எதிர் கொள்வீர்கள்.

கவனம் தேவை: உடன்பிறப்புகள் வழியில் கருத்து வேறுபாடுகள் வரலாம். வழக்குகள் எளிதாக முடியாமல் இழுத்தடிக்கப் படலாம். சிலர் வீண் பழிகளுக்கு ஆளாகும் படி நேரலாம். ராசிநாதன் அஷ்டமத்தில் இருப்பதால் மனதில் ஒரு கஷ்டம் நீங்காமல் இருந்து கொண்டே இருக்கும்.

பரிகாரம்: தினமும் பூஜை அறையில் பிரார்த்தனை செய்யும்பொழுது ஒரு நிமிடம் உங்கள் முன்னோர்களை நினைத்துக் கொண்டு ஆசி பெறுங்கள். அந்த ஆசி உங்களை வழிநடத்தும்.