விருச்சிகம்

(11.9.2025 முதல் 17.9.2025 வரை)

சாதகங்கள்: 12க்கு அதிபதியான சுக்கிரன் 9:10ல் சஞ்சரிப்பது சிறப்பான பலன்களைத் தரும். தொழில் வளர்ச்சியைத் தரும். வாழ்க்கைத் துணையால் ஆதாயம் உண்டு. ஏதோ ஒரு வகையில் வருமானம் அதிகரிக்கும். பொதுவாழ்வில் கௌரவம் கிடைக்கும். தொழில் விஸ்தரிப்புப் பணிகளில் ஈடுபடுவீர்கள். 11ல் புதன் உச்சம் பெறுவதால், லாபங்கள் கிடைக்கும். தகவல் தொழில்நுட்பத் துறையில் உள்ளவர்களுக்கு புதிய சந்தர்ப்பங்கள் கிடைக்கும். வேலை செய்யும் இடத்தில் மேலதிகாரிகளால் பாராட்டப்படுவீர்கள். மறைமுகமான சில நன்மைகள் உங்களைத் தேடி வரும். கணவன் மனைவி உறவுகளில் கருத்து வேறுபாடுகள் ஏற்பட்டாலும், கட்டுக்குள் இருக்கும்.

கவனம் தேவை: 12ல் செவ்வாய் இருப்பதால், சில பிரச்னைகள் வருவதைத் தவிர்க்க முடியாது. எதிலும் அவசரப்பட வேண்டாம். அஷ்டம குரு இருப்பதால், எதையும் சிந்தித்துப் பேச வேண்டும். ஆடம்பரச் செலவுகளைக் குறைத்துக் கொள்ள வேண்டும். சனி பகவான் ராகுவோடு இணைந்து இருப்பது நற்பலனைத் தராது. வண்டி வாகனங்களில் பழுதுகள் ஏற்படலாம். தாயாரின் உடல்நிலையில் கவனம் தேவை. மருத்துவச் சிகிச்சை மேற்கொள்ள வேண்டியிருக்கும். மன அழுத்தம் அதிகரிக்கும்.

சந்திராஷ்டமம்: 14.9.2025 இரவு 8.04 முதல் 17.9.2025 காலை 12.28 வரை சந்திராஷ்டமம் உண்டு. பேச்சில் கவனமாக இருக்கவும். வாதப் பிரதிவாதங்களில் ஈடுபடவேண்டாம்.

பரிகாரம்: வாயில்லா ஜீவனுக்கு உணவு தாருங்கள்.