கன்னி

(4.9.2025 முதல் 10.9.2025 வரை)

சாதகங்கள்: ஆறில் இருக்கும் சனி ராகு 11-ல் இருக்கும் சுக்கிரன் என இந்த மூன்று கிரகங்களும் உங்களுக்குத் தேவையான நன்மையைச் செய்யும். நினைத்த காரியங்களில் வெற்றியைத் தரும் வாய்ப்புகளை வழங்கும். அந்த வாய்ப்புகளை புத்திசாலித்தனமாக பயன்படுத்திக் கொள்ள வேண்டும். கலைஞர்களுக்கும், வணிகம் செய்பவர்களுக்கும், குறிப்பாக ஆடை ஆபரணங்கள் மற்றும் உணவுப் பொருள்கள் வணிகம் செய்பவர்களுக்கும் சிறப்பான லாபம் உண்டு. ஆடைகள் ஏற்றுமதி சிறப்பாக இருக்கும். அந்நிய செலாவணி லாபம் கிடைக்கும். தனகாரகன் சுக்கிரன் லாப ஸ்தானத்தில் இருப்பதாலும், சுகாதிபதி குரு தன ஸ்தானத்தைப் பார்ப்பதாலும், பொருளாதாரத்தில் எந்தக் குறையும் இல்லை.

கவனம் தேவை: ராசியில் செவ்வாய், 12-ல் சூரியன் என பல கிரகங்கள் உங்களுக்குச் சகாயம் செய்ய முடியாத நிலையில் இருக்கின்றன. வரவுகள் வந்தாலும் செலவுகளும் அதிகமாக இருக்கும். இரண்டாம் இடம் பலம் குன்றிய ஜாதகர்கள், கடன் வாங்க வேண்டிய நெருக்கடி வரலாம். தேவையில்லாத செலவுகள் ஏற்பட்டு பணம் விரயமாகும். சுபகாரிய முயற்சிகளில் தடைகள் ஏற்படும்.

பரிகாரம்: மகத்தான வாழ்வு பெற மகாலட்சுமியை வணங்குங்கள்.