17-9-25 முதல் 17-10-25 வரை

அதிகாரமும் ஆளுமைத் திறனும் மிக்க சிம்ம ராசி அன்பர்களே, உங்கள் ராசிநாதன் சூரிய பகவான் உங்கள் ராசிக்கு 2-ல் சஞ்சரிப்பதால், குடும்பத்தில் மகிழ்ச்சியான சூழல் உருவாகும். பொருளாதார நிலையில் நல்ல முன்னேற்றம் ஏற்படும். பணப்புழக்கம் கணிசமாக உயரும். புதிய நண்பர்கள் கிடைப்பார்கள். மனதில் தைரியம் தன்னம்பிக்கை அதிகரிக்கும். உங்கள் இனிய பேச்சால் மற்றவர்களை எளிதில் கவருவீர்கள். வெளியூர் பயணங்கள் மகிழ்ச்சி தரும். எடுக்கும் முயற்சியில் வெற்றி கிடைக்கும். தாயுடன் கருத்துவேறுபாடுகள் வந்து நீங்கும். வீடு, வாகனம் சொத்து தொடர்பான விஷயங்களை கவனமாக கையாளுங்கள். குழந்தைகளால் மகிழ்ச்சி உண்டு. வழக்கு விஷயங்கள் சாதகமாக அமையும். போட்டிகளில் வெற்றி பெறுவீர்கள். வாழ்வில் தடைகள், பிரச்னைகள் வந்து நீங்கும். 8 ல் சனி இருப்பதால் வாகன பயணங்களில் கவனம் தேவை. இரவு நேர பயணங்கள் மற்றும் நீண்ட தூரப் பயணங்களை தவிர்ப்பது நல்லது. தேவையில்லாமல் மற்றவர்கள் பிரச்னைகளை தலையிடுவதை தவிர்ப்பது நல்லது. தந்தையுடன் கருத்து வேறுபாடுகள் வந்து நீங்கும். 11ல் குரு இருப்பதால் தொழில் மற்றும் உத்யோகத்தில் உயர்வு ஏற்படும். உயர் அதிகாரிகள் மற்றும் சக ஊழியர்களை அனுசரித்துச் செல்வது நல்லது. திடீர் பணவரவு உண்டு.தடைபட்ட காரியங்கள் இனிதே முடியும்.

சந்திராஷ்டம நாட்கள்: அக்டோபர் 6, 7.

பரிகாரம்: காஞ்சிபுரம் சிங்கப்பெருமாள் கோவிலில் உள்ள சிங்கப் பெருமானை ஞாயிற்றுக் கிழமையில் சென்று வழிபடுவது நன்மை தரும்.