17-11-25 முதல் 15-12-25 வரை

பொறுமையே பெருமை தரும் என்பதை உணர்ந்து செயல்படும் கும்ப ராசி அன்பர்களே, உங்கள் ராசிக்கு யோகாதிபதி சுக்ரன் 9ல் பலம் பெற்று இருப்பதால் அதிர்ஷ்ட வாய்ப்புகள் தேடி வரும். தெய்வ அனுகூலம் உண்டு. வெளிநாட்டு தொடர்பான ஆதாயம் உண்டு. குரு மற்றும் மூத்தோரின் ஆசி கிடைக்கும். திடீர் பணவரவு உண்டு. சனி 2ல் இருப்பதால் குடும்பத்தில் வீண் வாக்குவாதத்தை தவிர்ப்பது நல்லது. பொருளாதார நிலையில் ஏற்றத்தாழ்வுகள் வந்து நீங்கும். எடுக்கும் முயற்சிகள் வெற்றி பெறும். வீடு வாகனம் சொத்து தொடர்பான விஷயங்கள் சாதகமாக அமையும். குழந்தைகள் செயல்பாடுகள் பெருமை படக் கூடியதாக இருக்கும். குரு 6ல் இருப்பதால் உடல் ஆரோக்கியத்தில் கவனம் தேவை. கணவன் மனைவிக்குள் அன்பும் ஆதரவு அதிகரிக்கும். வியாபாரத்தில் கூட்டாளிகளிடம் கவனம் தேவை. வியாபார ரீதியான புதிய ஒப்பந்தங்களை தவிர்ப்பது நல்லது.தந்தையால் அனுகூலமான பலன்கள் ஏற்படும். பிதுர் வழி சொத்தால் ஆதாயம் உண்டு தொழில் மற்றும் உத்யோகத்தில் உயர்வு ஏற்படும். உயர் அதிகாரிகள் மற்றும் சக ஊழியர்கள் சாதகமாக செயல்படுவார்கள். உங்கள் திறமையை வெளிப்படுத்த நல்ல வாய்ப்புகள் கிடைக்கும்.

சந்திராஷ்டம நாட்கள்: டிசம்பர் 12, 13, 14.

பரிகாரம்: ஆரணி ஏரிக்குப்பம் சனிபகவானை சனிக்கிழமையில் சென்று வழிபடுவது நன்மை தரும்.