மேஷம்

18-10-25 முதல் 16-11-25 வரை

மனோ தைரியம் மிக்க மேஷ ராசி அன்பர்களே, செவ்வாய் பகவான், உங்கள் ராசிக்கு 7ல் சஞ்சரிப்பதால் எடுக்கும் முயற்சிகள் வெற்றி பெறும். மனதில் தைரியம் தன்னம்பிக்கை உற்சாகம் அதிகரிக்கும். உங்கள் ஆளுமை திறன் வெளிப்படும். சுக்ரன் நீசம் பெறுவதால் குடும்பத்தில் விட்டுக் கொடுத்து செல்வது நல்லது. பொருளாதார நிலையில் ஏற்ற தாழ்வுகள் வந்து நீங்கும். தாய் மற்றும் உறவுகளால் மகிழ்ச்சி உண்டு. வீடு வாசல் சொத்து தொடர்பான விஷயங்கள் சாதகமாக அமையும். கேது 5 ல் இருப்பதால் குழந்தைகள் உடல் நலனில் கவனம் தேவை. பூர்வீக சொத்து விஷயங்களை கவனமாக கையாளுங்கள். கணவன்-மனைவிக்குள் கருத்து வேறுபாடுகள் வந்து நீங்கும். வியாபாரத்தில் கூட்டாளிகளிடம் கவனம் தேவை. வியாபார ரீதியான புதிய ஒப்பந்தங்களை தவிர்ப்பது நல்லது. தந்தைக்கு மருத்துவ செலவினங்கள் உண்டு. கல்வி மற்றும் வேலைவாய்ப்புக்காக வெளிநாடு செல்ல முயற்சி செய்து கொண்டிருப்பவர்களுக்கு வெளிநாடு செல்வதற்கான வாய்ப்புகள் கிடைக்கும். சனி 12 ல் இருப்பதால் தொழில் மற்றும் உத்யோகத்தில் கவனம் தேவை. உயர் அதிகாரிகள் மற்றும் சக ஊழியர்களை அனுசரித்துச் செல்ல வேண்டியது அவசியம்.மறைமுக எதிர்ப்புகள் வந்து நீங்கும். அவசர முடிவுகளை தவிர்ப்பது நல்லது. உடல் ஆரோக்கியத்தில் அதிக கவனம் தேவை. தேவையற்ற வீண் செலவுகளை குறைக்க வேண்டியது அவசியம்.

சந்திராஷ்டம நாட்கள்: அக்டோபர் 24, 25, 26.

பரிகாரம்: பர்வதகிரி மலையிலுள்ள மல்லிகார்ஜுன் ஈஸ்வரரை செவ்வாய் கிழமை சென்று வழிபடுவது நன்மை தரும்.