17-7-25 முதல் 16-8-25 வரை

அன்பால் அனைவரையும் அரவணைத்துச் செல்லும் கடக ராசி அன்பர்களே, உங்கள் ராசியிலேயே சூரிய பகவான் சஞ்சரிப்பதால் ஆளுமை திறன் வெளிப்படும். எந்த சூழ்நிலையையும் எளிதில் எதிர்கொண்டு வெற்றி பெறுவீர்கள்.புதன் ராசியிலே இருப்பதால் எடுக்கும் முயற்சிகள் வெற்றி பெறும். ஆடை ஆபரணங்களை கவனமாக கையாளுங்கள். உடன்பிறப்புகளால் செலவினங்கள் உண்டு. தாயால் அனுகூலமான பலன்கள் ஏற்படும்.வீடு வாகனம் சொத்து தொடர்பான விஷயங்கள் சாதகமாக அமையும். செவ்வாய் 2ல் இருப்பதால் குழந்தைகளால் மகிழ்ச்சி உண்டு. பூர்வீக சொத்து விஷயங்கள் சாதகமாக அமையும். ஷேர் மார்க்கெட்டில் லாபம் அதிகரிக்கும். குலதெய்வ வழிபாடு நன்மை தரும். கணவன் மனைவி ஒருவருக்கொருவர் விட்டுக் கொடுத்துச் செல்வதால் தேவையற்ற பிரச்னையை தவிர்க்கலாம். வியாபாரத்தில் கூட்டாளிகளிடம் கவனம் தேவை. சனி 9 ல் இருப்பதால் தந்தை உடல் நலனில் கவனம் தேவை. தொழில் மற்றும் வேலை நிமித்தமாக இடமாற்றம் ஏற்படலாம். இருப்பினும் உயர் அதிகாரிகள் மற்றும் சக ஊழியர்களை அனுசரித்து செல்வது நல்லது. உங்கள் பணிகளில் சிரத்தையுடன் செயல்படுங்கள். எதிலும் காலதாமதத்தை தவிர்க்கவும். வாகன பயணங்களில் கவனம் தேவை. இரவு நேர பயணங்கள் மற்றும் நீண்ட தூர பயணங்களை தவிர்ப்பது நல்லது. மற்றவர்களுக்கு உதவி செய்யப் போய் உபத்திரவத்தில் சிக்கிக் கொள்ள வேண்டாம்.

சந்திராஷ்டம நாட்கள்: ஆகஸ்ட் 10, 11, 12.

பரிகாரம்: விழுப்புரம் அருகே உள்ள பரிக்கல் நரசிம்மரை சனிக்கிழமை சென்று வழிபட்டு வர இன்னல்கள் குறைந்து வளர்ச்சி உண்டாகும்.