மிதுனம்

17-8-25 முதல் 16-9-25 வரை

எந்த சூழ்நிலையையும் அனுசரித்துச் செல்லும் மிதுன ராசி அன்பர்களே உங்கள் ராசிநாதன் புதன் பகவான் மாத முற்பகுதியில் 3லும், மாத பிற்பகுதியில் 4லும் சஞ்சரிப்பதால் நன்மையே விளையும். உங்களுடைய இனிமையான பேச்சால் மற்றவர்களை எளிதில் கவருவீர்கள். குடும்பத்தில் மகிழ்ச்சி அதிகரிக்கும். மனதில் தைரியம் தன்னம்பிக்கை உற்சாகம் அதிகரிக்கும். புதிய வீடு வாகனம் வாங்குவதற்கான முயற்சிகள் கைகூடும். செவ்வாய் 6 ல் இருப்பதால் தாய் உடல் நலனில் கவனம் தேவை. தாய் மற்றும் உறவுகளால் மனகசப்புகள் உண்டு. வீடு, வாகனம் சொத்து தொடர்பான பிரச்னைகள் உருவாகும்.குழந்தைகளால் மகிழ்ச்சி உண்டு. பூர்வீக சொத்தால் ஆதாயம் உண்டு. ஷேர் மார்க்கெட்டில் லாபம் அதிகரிக்கும். தெய்வ அனுகூலம் உண்டு. எதிரிகளால் பிரச்னை இருந்தாலும் சமாளித்து விடுவீர்கள். கணவன் மனைவிக்குள் அன்பும் ஆதரவும் அதிகரிக்கும். வியாபாரத்தில் கூட்டாளிகளால் ஆதாயம் உண்டு. வியாபாரத்தில் புதிய ஒப்பந்தங்களை தவிர்ப்பது நல்லது. எடுக்கும் முயற்சிகளில் தடைகள் பிரச்னைகள் வந்து நீங்கும். விடா முயற்சி வெற்றி தரும். வாகன பயணங்களில் கவனம் தேவை. மற்றவர்களுக்கு உதவி செய்யப் போய் உபத்திரவத்தில் சிக்கிக் கொள்ளாதீர்கள். 9ல் ராகு இருப்பதால் தந்தை உடல்நலனில் கவனம் தேவை. தொழில் உத்யோகத்தில் உயர் அதிகாரிகள் மற்றும் சக ஊழியர்களை அனுசரித்து செல்ல வேண்டியது அவசியம் . உங்களைப் பற்றி வீண் வதந்திகள் பரவும். உங்கள் பணிகளில் காலதாமதத்தை தவிர்ப்பது நல்லது.

சந்திராஷ்டம நாட்கள்: செப்டம்பர் 4,5,6.

பரிகாரம்: காஞ்சிபுரம் சித்ரகுப்தரை புதன்கிழமையில் சென்று வழிபடுவது நன்மை தரும்.