துலாம்

17-8-25 முதல் 16-9-25 வரை

எந்த சூழ்நிலையிலும் புத்தியை ஸ்திரமாக வைத்து செயல்படும் துலா ராசி அன்பர்களே, உங்கள் ராசிநாதன் சுக்கிரன் பகவான் 9ல் சஞ்சரிப்பதால் எதையும் சாதிக்கும் ஆற்றல் உருவாகும். குடும்பத்தில் மகிழ்ச்சி உண்டு. பொருளாதார நிலை தேவைக்கு ஏற்ப உயரும். உங்கள் பேச்சுக்கு மதிப்பு மரியாதை அதிகரிக்கும். எடுக்கும் முயற்சிகளில் தடை இருந்தாலும் விடா முயற்சியால் வெற்றி பெறுவீர்கள். எதிர்மறை சிந்தனைகளை தவிர்ப்பது நல்லது. தாயால் அனுகூலமான பலன்கள் ஏற்படும். உறவுகளால் மகிழ்ச்சி உண்டு. புதிய வீடு வாகனம் வாங்குவதற்கான முயற்சிகள் கைகூடும். குழந்தைகளின் நட்பு வட்டத்தை கண்காணிப்பில் வைத்து வழிநடத்திச் செல்வது நல்லது. சனி 6ல் இருப்பதால் எதிரிகள் விலகி செல்வார்கள். கடன் பிரச்னைகள் தீரும். வழக்கு விஷயங்கள் சாதகமாகும். கணவன், மனைவிக்குள் கருத்து வேறுபாடுகள் வந்து நீங்கும். வியாபாரத்தில் கூட்டாளிகளிடம் கவனம் தேவை. வியாபாரத்தில் புதிய ஒப்பந்தங்களை தவிர்ப்பது நல்லது. வாகன பயணங்களில் கவனம் தேவை. புதன் 11ல் இருப்பதால் தந்தை உங்கள் உயர்வுக்கு உறுதுணையாக இருப்பார். வெளிநாட்டு தொடர்பால் ஆதாயம் உண்டு. அதிர்ஷ்ட வாய்ப்புகள் தேடி வரும். தொழில் உத்யோகத்தில் உயர்வு ஏற்படும். சிலருக்கு பணிச்சுமை அதிகரிக்கலாம். உயர் அதிகாரிகள் மற்றும் சக ஊழியர்களை அனுசரித்துச் செல்வது நல்லது. உங்கள் திறமையை வெளிப்படுத்த நல்ல வாய்ப்புகள் கிடைக்கும்.

சந்திராஷ்டம நாட்கள்: செப்டம்பர் 13, 14, 15.

பரிகாரம்: திருச்செங்கோடு அர்த்தநாரீஸ்வரரை வெள்ளிக்கிழமையில் சென்று வழிபடுவது நன்மை தரும்.