துலாம்

18-10-25 முதல் 16-11-25 வரை

கடினமான காலங்களிலும் புத்தியை ஸ்திரமாக வைத்து செயல்படும் துலா ராசி அன்பர்களே, உங்கள் ராசிநாதன் சுக்கிர பகவான் நீசம் பெற்று இருப்பதால் மன குழப்பத்தையும், எதிர்காலம் பற்றிய பயத்தையும், வெறுப்பு விரக்தியை தவிர்ப்பது நல்லது. உங்கள் ஆளுமைக்கு சவால்கள் உண்டாகும். குடும்பத்தில் நல்ல மகிழ்ச்சியான சூழல் உருவாகும். பொருளாதாரநிலை உங்கள் தேவைக்கு ஏற்ப உயரும். உங்கள் பேச்சுக்கு மதிப்பு மரியாதை அதிகரிக்கும். மனதில் தைரியம் தன்னம்பிக்கை உற்சாகம் அதிகரிக்கும். தங்க நகை ஆபரண சேர்க்கை உண்டாகும். பயணங்களால் மகிழ்ச்சி உண்டு. தாய் மற்றும் உறவுகளால் மனக்கசப்புகள் வந்து நீங்கும். ராகு 5ல் இருப்பதால் குழந்தைகளுக்கு மருத்துவ செலவுகள் ஏற்படும். வங்கிக்கடனுக்கு முயற்சி செய்து கொண்டிருப்பவர்களுக்கு வங்கி கடன் கிடைக்கும். கணவன், மனைவிக்குள் கருத்து வேறுபாடுகள் வந்து நீங்கும். வியாபாரத்தில் கூட்டாளிகளால் பிரச்னைகள் வர வாய்ப்புள்ளதால் கவனம் தேவை. தடைகள், பிரச்னைகள் இருந்தாலும், எதிர்பாராத அதிர்ஷ்டமும் தனவரவும் உண்டு. 9ல் குரு இருப்பதால் தந்தையால் அனுகூலம் ஏற்படும். வெளிநாட்டுத் தொடர்பால் ஆதாயம் உண்டு. தொழில் மற்றும் உத்யோகத்தில் கவனம் தேவை. உயர் அதிகாரிகள் மற்றும் சக ஊழியர்களை அனுசரித்துச் செல்ல வேண்டியது அவசியம். சில நேரங்களில் பணிச்சுமை அதிகரிக்கும். சுபச்செலவுகள் அதிகரிக்கும்.

சந்திராஷ்டம நாட்கள்: நவம்பர் 6, 7, 8.

பரிகாரம்: பெரும்புதூரில் உள்ள ஆதிகேசவ பெருமாள் மற்றும் ராமானுஜரை வெள்ளிக்கிழமையில் சென்று வழிபடுவது நன்மை தரும்.