18-10-25 முதல் 16-11-25 வரை

போராடும் வரை வாழ்க்கை என்பதை உணர்ந்து செயல்படும் மீன ராசி அன்பர்களே, உங்கள் ராசிக்கு யோகாதிபதியாகிய செவ்வாய் பகவான் மற்றும் சந்திர பகவான் பலம் பெற்று இருப்பதால், குடும்பத்தில் மகிழ்ச்சி அதிகரிக்கும். பொருளாதார நிலையில் உயர்வு ஏற்படும். நீண்ட நாளாக வர வேண்டிய பணம் வந்து சேரும். இருப்பினும் ஜென்ம சனி இருப்பதால் கடந்த காலங்களில் நடந்த எதிர்மறையான விஷயங்களை நினைத்து மன வருத்தம் ஏற்படுவதை தவிர்ப்பது நல்லது. நேர்மறை சிந்தனையை வளர்த்துக் கொள்ளுங்கள். தாய் மற்றும் உறவுகளால் மகிழ்ச்சி உண்டு. குழந்தைகள் செயல்பாடுகள் பெருமைப்படக்கூடிய தான் இருக்கும். பூர்வீக சொத்து விஷயங்கள் சாதகமாக அமையும். ஷேர் மார்க்கெட்டில் லாபம் உண்டு. கணவன் மனைவிக்குள் அன்பும் ஆதரவும் அதிகரிக்கும். வியாபாரத்தில் புது ஒப்பந்தங்கள் நன்மை தரும். வாழ்வில் தடைகள், பிரச்னைகள் இருந்தாலும் எதிர்பாராத அதிர்ஷ்டமும் தனவரவு உண்டு. தந்தை உங்கள் உயர்வுக்கு உறுதுணையாக இருப்பார். தொழில் மற்றும் உத்யோகத்தில் உயர்வு ஏற்படும். உயர் அதிகாரிகள் மற்றும் சக ஊழியர்கள் சாதகமாக செயல்படுவார்கள். விரைவில் உங்களுக்கு ஏழரைச் சனி ஆரம்பம் ஆக உள்ளதால், தற்பொழுது இருந்தே பணம் கொடுக்கல் வாங்கல், ஜாமீன் கையெழுத்து போடுவது, மற்றவர்களை மட்டுமே முழுமையாக நம்பி செயல்படுவது போன்ற விஷயங்களை தவிர்ப்பது நல்லது.

சந்திராஷ்டம நாட்கள்: அக்டோபர் 21, 22, 23.

பரிகாரம்: சிறுவாபுரி முருகப்பெருமானை வியாழக்கிழமையில் சென்று வழிபடுவது நன்மை தரும்.