17-9-25 முதல் 17-10-25 வரை

நீதி நேர்மை நியாயம் என்பதில் ஆழ்ந்த நம்பிக்கை உடைய தனுசு ராசி அன்பர்களே உங்கள் ராசிக்கு யோகாதிபதியாக சூரியபகவான்10ல் திக் பலம் பெறுவதால் எந்த சூழ்நிலையையும் வெற்றி கொள்ளும் ஆற்றல் அதிகரிக்கும். பேச்சில் அதிக கவனம் தேவை. பொருளாதார நிலையில் ஏற்றத் தாழ்வுகள் வந்து நீங்கும். எடுக்கும் முயற்சிகள் வெற்றி பெறும். பயணங்களால் நன்மை உண்டு. தாய் உடல்நலத்தில் கவனம் தேவை. 4ல் சனி இருப்பதால் தாய் மட்டும் உறவுகளால் மனக்கசப்புகள் உண்டாகும். வீடு வாகனம் சொத்து தொடர்பான செலவினங்கள் உண்டு.வாகன பயணங்களில் கவனம் தேவை. இரவு நேரப் பயணங்கள் மற்றும் நீண்ட தூரப் பயணங்களை தவிர்ப்பது நல்லது. குழந்தைகள் உடல் நலனில் கவனம் தேவை. பூர்வீக சொத்து விஷயங்கயை எச்சரிக்கையாக கையாளுங்கள். மன குழப்பத்தை தவிர்க்க யோகா, தியானம் போன்றவற்றை பயில்வது நல்லது. எதிர்பாராத அதிர்ஷ்டம் உண்டு. குரு 7ல் இருப்பதால் கணவன் மனைவிக்குள் அன்பும் ஆதரவும் அதிகரிக்கும். வியாபாரத்தில் கூட்டாளிகள் ஆதாயம் உண்டு. வியாபார ரீதியாக புதிய ஒப்பந்தங்கள் நன்மை தரும். தந்தையால் அனுகூலம் உண்டு. உத்யோகத்தில் உயர்வு ஏற்படும். உயர் அதிகாரிகள் மற்றும் சக ஊழியர்களை அனுசரித்துச் செல்வது அவசியம். எத்தனை தடைகள் வந்தாலும் உங்கள் பணியில் அதிக கவனமாக இருப்பது நல்லது. சுபச்செலவினங்கள் அதிகரிக்கும்.

சந்திராஷ்டம நாட்கள்: செப்டம்பர் 17, 18, 19. அக்டோபர் 14, 15, 16.

பரிகாரம்: சிறுவாபுரி முருகப்பெருமானை வியாழக்கிழமையில் சென்று வழிபடுவது நன்மை தரும்.