கும்பம்

(5.2.2026 முதல் 11.2.2026 வரை)

சாதகங்கள்: தன லாபாதிபதி குரு ஐந்தில் இருப்பதும், அவருடைய ஒன்பதாம் பார்வை ராசியில் விழுவதும் சிறந்த அமைப்பு. 12 ல் சுக்கிரன் இருந்தாலும் தோஷம் இல்லை. பொருளாதார அமைப்புகளில் எந்தக் குறையும் இல்லை. கொடுக்கல் வாங்கல்கள் சீராகவே இருக்கும். தொழில் போட்டிகள் இருந்தாலும் சமாளித்து விடுவீர்கள். சிலருக்கு சற்றும் எதிர்பாராத நல்வாய்ப்புகள் கிடைக்கும். வேலையில் உற்சாகத்தோடு இருப்பீர்கள். சில முயற்சிகள் ஆரம்பத்தில் தாமதப்பட்டாலும் நிறைவாக நன்கு முடிந்து விடும். தந்தைவழி உறவுகள் கை கொடுக்கும். விலகிச் சென்றவர்கள் வந்து சேர்வார்கள். தசாபுத்திகள் நன்றாக இருக்கிறவர்களுக்கு பதவி உயர்வு கிடைக்கும்.

கவனம் தேவை: சனியும் ராகுவும் இணைந்த நிலையில் வரவுக்கு மீறிய செலவுகள் இருக்கத்தான் செய்யும். ஒவ்வொரு காரியத்திலும் அலைச்சலுக்குப் பின் தான் முடிவு பெறும். உடல் தொந்தரவுகள் இருந்து கொண்டே இருக்கும். கணவன் மனைவி தேவையில்லாத வாக்குவாதங்கள் ஏற்படலாம். கலைத்துறையினர் கவனத்தோடு இருக்க வேண்டும். உங்களைப்பற்றி தேவையில்லாத பழிச்சொல் பேசுவதை நீங்களே கேட்க நேரிடும்.

சந்திராஷ்டமம்: 5.2.2026 அதிகாலை 4.20 முதல் 7.2.2026 பகல் 1.22 வரை சந்திராஷ்டமம் உண்டு. பேச்சில் கவனமாக இருக்கவும். வாதப் பிரதிவாதங்களில் ஈடுபட வேண்டாம்.

பரிகாரம்: வாயில்லா ஜீவன்களுக்கு உணவு அளியுங்கள்.