மிதுனம்

(5.2.2026 முதல் 11.2.2026 வரை)

சாதகங்கள்: பாக்கியஸ்தானம் பலம் பெற்றிருக்கிறது அங்கே ராகுவும் இருக்கிறார். நினைத்த காரியம் நடந்து விடும். பொருளாதார சிரமம் குறையும். சுக்கிரன் பலமாக இருப்பதால் கொடுக்கல் வாங்கல்கள் சிரமம் இன்றி நடக்கும். வரவேண்டிய கடன்கள் வசூல் ஆகிவிடும். வீட்டில் சுப நிகழ்ச்சிகள் நடக்கும் வாய்ப்பும் உள்ளது. திருமணத்திற்காக வரன் பார்க்கிறவர்களுக்கு நல்ல வரனாக அமையும். ராசியாதிபதி 9ல் அமர்ந்திருப்பதால் மாமன் வழி மனக் கசப்புகள் மாறும். தொழில் வியாபாரத்தில் சுறுசுறுப்பு அதிகரிக்கும். ஐடி மற்றும் பத்திரிகை துறையில் உள்ளவர்கள் புதிய வாய்ப்புகளைப் பெறுவார்கள். சேமிப்பு உயரும். குடும்பத்தில் கருத்து வேற்றுமை குறையும்.

கவனம் தேவை: குடும்ப பாரம் அதிகரிக்கும். வெளியூர் பயணங்களில் அலைச்சல் உண்டு. சில விஷயங்கள் நீங்கள் சற்றும் எதிர்பாராமல் நடந்து உங்களுக்கு மனக்கசப்பைத் தரும். எதையும் நிதானத்தோடு அணுக வேண்டும். அஷ்டமத்தில் செவ்வாய் அசுர பலம் பெற்றிருக்கிறார். சகோதரர்கள் விஷயத்தில் கருத்து வேற்றுமை வராமல் பார்த்துக் கொள்ளுங்கள். எலும்பு நரம்பு சம்பந்தப்பட்ட பாதிப்புகள் ஏற்படலாம்.

பரிகாரம்: தட்சிணாமூர்த்தியை வணங்குங்கள். தடைகள் அகலும்.