தனுசு

(13.11.2025 முதல் 19.11.2025 வரை)

சாதகங்கள்: மூன்றில் சனி, ராகு அமர்ந்திருக்கிறார்கள் என்பது உங்களை முன்னேற்ற பாதையில் அழைத்துச் செல்லும். பிரச்னைகளைச் சந்திக்கும் தைரியம் தரும். லாப ஸ்தானத்தில் சுக்கிரனும் புதனும் இணைந்து இருப்பது சிறப்பு. லாபஸ்தான அதிபதி லாபஸ்தானத்திலேயே இருப்பது பொருளாதாரத்தை மேம்படுத்தும் என்றாலும்கூட, அவர் ஆறுக்குரியவர் என்பதால் ஒவ்வொரு பணம் சம்பந்தப்பட்ட நடவடிக்கைகளிலும் கவனமும் எச்சரிக்கையும் தேவை. நண்பர்களின் மகிழ்ச்சியான விழாக்களில் கலந்து கொள்ளும் நல்வாய்ப்பு கிடைக்கும். உடன் பிறந்தவர்களால் சிறப்பு உண்டு. ஆடை ஆபரணச் சேர்க்கை உண்டு. கொடுக்கல் வாங்கல்கள் சீராக இருக்கும்.

கவனம் தேவை: செவ்வாய் 12ல் இருக்கிறார். அவரோடு மற்றொரு உஷ்ண கிரகமான சூரியனும் இணைந்து இருக்கிறார் என்பதை கவனத்தில் கொள்ளுங்கள். நினைத்தபடி எல்லாம் பேசாதீர்கள். அது உங்களுக்கு வம்பு வழக்குகளை கொண்டு வரும். அதோடு மூன்றாம் இடத்தில் உள்ள சனி ராகுவோடு

செவ்வாய் தொடர்பு கொள்வதால், அலைச்சல்களும் பிரயாணங்களும் உண்டு. ராசிநாதன் அஷ்டமத்தில் இருப்பதால், எதையும் முன்யோசனையுடன் செய்யுங்கள்.

பரிகாரம்: குலதெய்வ தரிசனத்தைவிட வேண்டாம். லட்சுமி நரசிம்மரை வணங்குங்கள் நலம் கிடைக்கும்.