17-7-24 முதல் 16-8-24 வரை
தனக்குள் ஆயிரம் ரகசியங்களை அடக்கி வைத்திருக்கும் கும்ப ராசி அன்பர்களே, உங்கள் ராசிக்கு 4 ல் குரு பகவான் சஞ்சரிப்பதால் குடும்பத்தில் மகிழ்ச்சி அதிகரிக்கும். பொருளாதார நிலையில் நல்ல மாற்றமும் முன்னேற்றமும் ஏற்படும். உங்கள் பேச்சுக்கு மதிப்பு மரியாதை உயரும். வீட்டில் சுபநிகழ்ச்சிகள் நடக்கும். மனதில் தைரியம் தன்னம்பிக்கை உற்சாகம் அதிகரிக்கும். உடன்பிறப்புகளுடன் கருத்து வேறுபாடுகள் வந்து நீங்கும். வீடு வாகனம் சொத்து தொடர்பான விஷயங்கள் சாதகமாக அமையும். குழந்தைகளால் பிரச்னைகள் வர வாய்ப்புள்ளதால் கவனம் தேவை. பூர்வீக சொத்துக்களை கவனமாக கையாளுங்கள். ஷேர் மார்க்கெட்டில் லாபம் குறையும். சூரியன் 6 ல் இருப்பதால் கணவன்-மனைவிக்குள் கருத்து வேறுபாடுகள் வர வாய்ப்புள்ளதால் ஒருவருக்கொருவர் விட்டுக் கொடுத்துச் செல்வது நல்லது. வியாபாரத்தில் கூட்டாளிகளிடம் கவனம் தேவை. வியாபார ரீதியான புதிய ஒப்பந்தங்களை தவிர்ப்பது நல்லது. எதிர்பாராத அதிர்ஷ்ட வாய்ப்புகள் உண்டு. தந்தையுடன் கருத்து வேறுபாடுகள் வந்து நீங்கும். வெளிநாடு செல்வதற்கான முயற்சிகள் கைகூடும். தெய்வ வழிபாடு நன்மை தரும். புண்ணிய ஸ்தலங்களுக்குச் சென்று வருவீர்கள். தொழில் மற்றும் உத்யோகத்தில் உயரதிகாரி உங்களை நம்பி சில முக்கிய பொறுப்புகளை ஒப்படைப்பார். மற்றவர்களால் பாராட்டப்படக் கூடிய சூழல் உருவாகும். பணம் கொடுக்கல்-வாங்கலில் மிகுந்த கவனம் தேவை. யாரையும் முழுமையாக நம்ப வேண்டாம்.
சந்திராஷ்டம நாட்கள்: ஆகஸ்ட் 8, 9, 10
பரிகாரம்: பரிக்கல் நரசிம்மரை சனிக்கிழமையில் சென்று வழிபடுவது நன்மை தரும்.
