17-7-24 முதல் 16-8-24 வரை
சூழ்நிலைக்கு தகுந்தார் போல் சிந்தித்து செயல்படும் மிதுன ராசி அன்பர்களே, உங்கள் ராசிநாதன் புதன் பகவான் தற்போது உங்கள் ராசிக்கு 2 ல் சஞ்சரிப்பதால், குடும்பத்தில் மகிழ்ச்சி அதிகரிக்கும். பொருளாதாரநிலை உங்கள் தேவைக்கு ஏற்ப உயரும். உங்கள் பேச்சுக்கு மதிப்பு மரியாதை அதிகரிக்கும். நீண்ட நாளாக வரவேண்டிய பணம் தற்போது வந்து சேரும். உடன்பிறப்பு களால் ஆதாயம் உண்டு. தங்க நகை ஆபரண சேர்க்கை உண்டு. எடுக்கும் முயற்சிகள் வெற்றி தரும். பயணங்களால் மகிழ்ச்சி உண்டு. 4 ல் கேது இருப்பதால் தாய் உடல்நலனில் கவனம் தேவை. வீடு வாகனம் சொத்து தொடர்பான செலவீனங்கள் உண்டு. குழந்தைகளின் நட்பு வட்டத்தை கண்காணிப்பில் வைத்து வழிநடத்திச் செல்ல வேண்டியது அவசியம். பூர்வீக சொத்து விஷயங்களில் பிரச்னை வந்து நீங்கும். ஷேர் மார்க்கெட்டில் இழப்புகள் ஏற்படும். கணவன் மனைவிக்குள் அன்பும் ஆதரவும் அதிகரிக்கும். வியாபார ரீதியான புதிய ஒப்பந்தங்களை தவிர்ப்பது நல்லது. எடுக்கும் முயற்சிகளில் தடைகள் இருந்தாலும் விடா முயற்சியால் வெற்றி பெறுவீர்கள். தேவையில்லாத விஷயங்களில் தலையிடுவதை தவிர்க்கவும். உடல் ஆரோக்கியத்தில் அதிக கவனம் தேவை.12 ல் குரு இருப்பதால் தொழில் மற்றும் உத்யோகத்தில் அதிக கவனம் தேவை. உயர் அதிகாரிகள் மற்றும் சக ஊழியர்களை அனுசரித்துச் செல்ல வேண்டியது அவசியம். உங்கள் பணிகளில் கவனமாக இருங்கள். எதிலும் காலதாமதத்தை தவிர்ப்பது நல்லது.
சந்திராஷ்டம நாட்கள்: ஜூலை 21, 22,23
பரிகாரம்:ஆம்பூரில் உள்ள காட்டு வீர ஆஞ்சநேயரை புதன் கிழமையில் சென்று வழிபடுவது நன்மை தரும்.
