17-9-24 முதல் 17-10-24 வரை
எடுத்த லட்சியத்திற்காக உறுதியாக செயல்படும் விருச்சிக ராசி அன்பர்களே, உங்கள் ராசிநாதன் செவ்வாய் பகவான் உங்கள் ராசிக்கு 9ல் இருந்து உங்கள் ராசியை பார்ப்பதால், எதையும் சாதிக்கும் ஆற்றல் வல்லமை அதிகரிக்கும். குடும்பத்தில் மகிழ்ச்சி அதிகரிக்கும். பொருளாதாரநிலை உங்கள் தேவைக்கு ஏற்ப உயரும். இனிய பேச்சால் மற்றவர்களை கவர்வீர்கள். புதிய நண்பர்கள் கிடைப்பார்கள். மனதில் தைரியம் தன்னம்பிக்கை உற்சாகம் அதிகரிக்கும். வெளியூர் பயணங்கள் நன்மை தரும். எடுக்கும் முயற்சிகள் வெற்றி பெறும். தாயால் அனுகூலமான பலன்கள் ஏற்படும். வீடு வாகனம் சொத்து தொடர்பான விஷயங்கள் சாதகமாக அமையும். குழந்தைகள் செயல்பாடுகள் பெருமைப்படக்கூடியதாக இருக்கும். பூர்வீக சொத்தில் ஆதாயம் உண்டு. அறிவுத்திறன் அதிகரிக்கும். நீண்ட நாள் பிரார்த்தனைகளை நிறைவேற்றுவீர்கள். வழக்குகளில் வெற்றி பெறுவீர்கள். முக்கிய பிரமுகரின் அறிமுகமும் நட்பும் கிடைக்கும். 7 ல் குரு இருப்பதால் கணவன்-மனைவிக்குள் அன்பும் ஆதரவும் அதிகரிக்கும். வியாபாரத்தில் கூட்டாளிகளால் ஆதாயம் உண்டு. தந்தை உடல்நலனில் கவனம் தேவை. எடுக்கும் முயற்சிகளில் தடைகளும் தாமதங்களும் ஏற்படும். பொறுமை நிதானம், விழிப்புணர்வு அவசியம். கேது 11 ல் இருப்பதால் நீண்டநாளாக வரவேண்டிய பதவி உயர்வு ஊதிய உயர்வு வந்து சேரும். உயர் அதிகாரிகள் மற்றும் சக ஊழியர்கள் சாதகமாக மாறுவார்கள். நண்பர்களால் ஆதாயம் உண்டு.
சந்திராஷ்டம நாட்கள்: செப்டம்பர் 24, 25, 26
பரிகாரம்: தென்குடித்திட்டை வசிஷ்டேஸ்வரர் மற்றும் குருபகவானை செவ்வாய்கிழமையில் சென்று வழிபடுவது நன்மை தரும்.
