17-9-24 முதல் 17-10-24 வரை
துணிச்சலான காரியங்களை எளிதாக செய்யும் மேஷ ராசி அன்பர்களே, ராசிநாதன் செவ்வாய் பகவான் உங்கள் ராசிக்கு 3ல் சஞ்சரிப்பதால், குடும்பத்தில் மகிழ்ச்சியான சூழல் உருவாகும். பொருளாதாரநிலை உங்கள் தேவைக்கு ஏற்ப இருக்கும். உங்கள் பேச்சுக்கு மதிப்பு மரியாதை அதிகரிக்கும். எடுக்கும் முயற்சிகளில் தடைகளும் தாமதமும் ஏற்படும். தங்க நகை ஆபரணங்களை கவனமாக கையாளுங்கள். பயணங்களில் உங்களுடைய உடமைகளை கவனமாக வைத்துக் கொள்ளுங்கள். தாய் உடல்நலனில் கவனம் தேவை. தாய் மற்றும் உறவுகளால் மகிழ்ச்சி உண்டு. புதிய வீடு வாகனம் வாங்குதல், விற்பது முயற்சிகள் கைகூடும்.குழந்தைகள் உடல் நலனில் கவனம் தேவை. குழந்தைகளால் சின்ன சின்ன பிரச்னைகள் வந்து நீங்கும். சூரியன். புதன் பரிவர்த்தனை பெறுவதால் பூர்வீக சொத்து விஷயங்களில் கவனமாக கையாளுங்கள். ஷேர் மார்க்கெட்டில் இழப்புகள் ஏற்பட வாய்ப்புள்ளதால் கவனம் தேவை. கடன் தொல்லைகள் அதிகரிக்கலாம். சுக். 6 ல் இருப்பதால் கணவன் மனைவிக்குள் கருத்து வேறுபாடுகள் வந்து நீங்கும். ஒருவருக்கொருவர் விட்டுக்கொடுத்துச் செல்வதால் தேவையற்ற பிரச்னைகளை தவிர்க்கலாம். வியாபாரத்தில் புதிய ஒப்பந்தங்களை தவிர்ப்பது நல்லது. எதிர்பாராத அதிர்ஷ்டம் உண்டு. தந்தை உடல்நிலையில் கவனம் தேவை. தொழில் மற்றும் உத்யோகத்தில் சக ஊழியர்களை அனுசரித்து செல்வது நல்லது. 12 ல் ராகு இருப்பதால் கல்வி மற்றும் வேலைவாய்ப்புக்காக வெளிநாடு செல்ல முயற்சி செய்பவர்களுக்கு வெளிநாடு செல்வதற்கான வாய்ப்புகள் உண்டு.
சந்திராஷ்டம நாட்கள்: அக்டோபர் 6, 7, 8
பரிகாரம்: திருச்செந்தூர் முருகப்பெருமானை செவ்வாய்க்கிழமை சென்று வழிபடுவது நன்மை தரும்.
